Monday, December 31, 2007

سامحوني مكنش قصدي

سامحوني مكنش قصدي
دخلت على النت عشان أكتب بوستات كتير
وبعدين قلت عيب أرحب بالضيوف الأول
زرت مدوناتهم وقلت درر تعليقاتي يعني كل تعليق بوست لوحده
المهم الوقت خادني وأنا لسه أولد فاشون يعني
بدخل على خط التليفون
وطبعا الفاتورة حدث ولا حرج
يعني أشوفكم 2010
أهم حاجة
ســــــــلامـــــــــــتك يا سلوى

Tuesday, December 25, 2007

ليه؟

دائماً وأبدا
لا أعرف لماذا أتساءل دائماً عندي تساؤل
مين على المدونة دلوقتي ؟
ليه مقلش رأيه في الاستطلاع ؟
مالوش رأي في أي حاجة كتبتها ؟
ليه دماغي مبتبطلش تفكير شوية ؟؟؟
ليه دايماً في ليه ؟؟
ماليش نفس لا أكتب ولا أتكلم
ايه الفايدة ؟
مفيش فايدة لا ليّ ولا للناس يبقى ليه ؟
سلام

Tuesday, December 18, 2007

49) دعائي



الهي وسيدي وحبيبي ومولاي

ربي ونصيري وسندي في الحياة

يارب وفي يوم عرفة

ارزقني أقف هناك وأدعيك

يارب أمة حبيبك المصطفى

يارب مسجدي الأقصى

يارب شهادة على أعتابه

اللهم ارزقني موتة بلا غسل

اللهم ارزقني حياة مشرفة

اللهم اهدنا فيمن هديت وعافانا فيمن عافيت وتولنا فيمن توليت وبارك لنا فيما أعطيت وقنا واصرف عنا شر ما قضيت انك تقضي ولا يقضى عليك انه لا يذل من واليت ولا يعز من عاديت تباركت ربنا وتعاليت فلك الحمد على ماقضيت نستغفرك ربنا ونتوب اليك ربنا اغفر لنا ذنوبنا واسرافنا في أمرنا وثبت أقدامنا وانصرنا على القوم الكافرين

اللهم بفضلك اجمع بين قلوب المؤمنين ووحد بين صفوف المسلمين واجعل الكلمة العليا لأمة سيد العالمين اللهم انا نستعين بك فأعنا ونستهديك فاهدنا وندعوك فأجب دعاءنا

يارب أعز الاسلام والمسلمين واحقن دماءهم اللهم أرنا الحق حقاً وارزقنا اتباعه وأرنا الباطل باطل وارزقنا اجتنابه اللهم اقسم لنا من خشيتك ما تحول به بيننا وبين معاصيك ومن طاعتك ما تبلغنا به رضاك

اللهم ارض عنا وارضنا اللهم ارزقنا اليقين والقناعة بالمقسوم

اللهم اجعلني مفتاحاً للخير مغلاقاً للشر واجر الخير على يديّ اللهم ارزقني حفظ القرآن والعمل به اللهم ارزقني الصلاة على وقتها اللهم اجعل لي نصيباً من دعاء الصالحين من أمة محمد

اللهم اجعلني براً بوالدي الله أرني خيراً في أهلي وأولاد إخوتي وصلة رحمي كلهم يارب احفظهم واحميهم واصلح حالهم اللهم اجعلنا صحبة يوم القيامة في الجنة

اللهم ارزقنا الجنة من غير حساب ولا سابقة عذاب

اللهم اجرنا من النار ومن كل عمل أو قول يقربنا من النار

اللهم أعز أصدقائي وارزقني حبهم اللهم اجعلني في عيني صغيراً وفي أعين الناس كبيرا

اللهم ارحم موتانا واشف مرضانا

اللهم ثبتنا على الإيمان اللهم لا تزغ قلوبنا بعد إذ هديتنا اللهم لا تجعل الدنيا مبلغ همنا اللهم اجعل خير أيامي يوم ألقاك اللهم كن معي في القبر ليس لي سواك اغفر لي ما أعلم وما لا أعلم

يارب لا تتركني لا تتركني

ارزقني زيارة المسجد الحرام والنبوي والأقصى

اللهم ارزقني العمل الذي أعيش منه لآخر يوم في عمري اللهم اغننا بك عمن سواك

اللهم ارزقني حبك وحب من أحبك وحب عمل يقربني من حبك اللهم ما أعطيتني مما أحب فاجعله قوة لي فيما تحب وما زويت عني مما أحب فاجعله فراغا لي فيما تحب

اللهم أعوذ بك من قلب لا يخشع ومن عين لا تدمع ومن عمل لا ينفع ومن دعوة لا يستجاب لها

ارض عني

ارض عني ياربي

اللهم تقبل آمين يارب العالمين

48 ) يوم الدعاء




لا تنس فقيراً او يتيماً او محتاجاً في هذا العيد..لا تنس ان تبادري بالصلح مع من تخاصمين لا تنس قريب او قريبة

بزيارة في العيد لا تنس كف مرفوع ولسان يستغفر وعين تدمع..مع الله في هذا العيد
هذا أول ما جاءني بخصوص العيد من العزيز صاحب مدونة بيتنا القديم
هذه فكرتي
اليوم وطوال أيام العيد لما لا نجعل شعار لكل حدث مهم في حياتنا
اليوم يوم عرفة يوم يكون الشيطان أخزى ما يكون والملائكة تحف الحاجين والكل يجتمع على قول لا اله الا الله
لندعو كل من يحب اسلامه وعروبته ووطنه كل من يحب مصر
لندعو لعزة الاسلام
لندعو لنصرة الاسلام وحقن دماء المسلمين في كل زمان ومكان
لندعو للأقصى الأسير
لندعو لحفظ مصر وحفظ أمانها واستقرارها
لنعدو لهداية أمة محمد الأمين
لندعو لعائلاتنا
اجعلوه يوم الدعاء==== اجعلوه يوم الدعاء ===اجعلوه يوم الدعاء
ملحوظة
أرجو أن تضمن تعليقك دعاء أي دعاء حتى لو لنفسك فقط حتى اذا فضلت يكون التعليق دعاء فقط يكون أفضل
رجاء آخر لما لا يظهر دعاء من كلماتك ومن قلبك على مدونتك في يوم عرفة لنكون رابطة وحدة واحدة ليضع كل منا دعاء اليوم في مدونتك لنتعلم الاتحاد في المواقف كونوا معي لا تتركوني وحدي
بكم عزتي وبكم قوتي لا تتركوني ضعيفة كلما زاد عدد من يتضامن معي لتلك الفكرة كلما زاد ضوء الايمان عندي بمستقبل مضئ لنا في مصر سأنتظر وأدعو
إن الذي فرض عليكم القرآن لرادكم الى معاد

Monday, December 17, 2007

ملاحظة

شكرا
شكرا للكائن الحي على المدونة الآن
لأنه شارك برأيه في الاستطلاع
رأيك دائماً له قيمة وأهمية
شكرا لك عزيزي ضيف المدونة الآن
حكاية العداد دي ممتازة

Saturday, December 15, 2007

واحد ماشي

م س ك ت ه
مســــــــكته يا ولاد طلع عصفور المدينة
متخافوش حسيبه يطير تاني عشان عنده كام شجرة رايح يطل عليهم
سلام بأه ورايا لقاء مهم حروح أدعي ليكم وليا
أستودعكم الله

واحد معدي في المدونة وأنا قاعدة

يا ترى مين هناك


أمسك في زمارة رقبته

مين هناك
؟؟؟

47) توابع


تداعيات التاج

هذا كان ردي على ملك الكبدة رداً على تعليقه على إجابات تاجي الأول وجدت في الرد حاجات أبعد من التاج معاني ياريت توصل للناس كل الناس

مفيش مستحيل

ممكن نحقق الأحلام لو آمنا بقدرتنا على ذلك

لابد أن نقرأ مابين السطور

لا تغتر أبداً وضع نصب عينيك أن قلبك بين اصبعيّ الرحمن طوال الوقت فاحترس من نفسك

اعرف قدراتك على الاحتمال ولا ترسل الكلام بدون تفكير عميق

كن لك فكر وخطة وطريق واضح وهدف من كل ما تفعل وتقول ان السمع والبصر والفؤاد كل ذلك كان عنه مسئولا

خليك قد كلمتك

راجع نفسك وأقوالك واقرأها ثانية علك تجد فائدة جديدة منها أو عيب تتجنبه

المرء على دين خليله فلينظر أحدكم من يخالل صدق رسول الله صلى الله عليه وسلم
في الاتحاد قوة نعم أشعر أن تدويني مع سلوى يعطيني قوة وحماسة أشد من مدونتي الخاصة وكأن هناك لي سند فوجودها يشد عضدي ويقويني
التدوين أضعف الإيمان
من أجل حياة أفضل من أجل وطن أعز من أجل كرامة أمة
علينا بالدعاء
الدعاء
لاتنسوني من صالح دعائكم في تلك الأيام
دمتم بعزة وصحة وقوة مسلمين وأقباط
وعني أقول نحن قوم أعزنا الله بالاسلام فان ابتغينا العزة في غيره أذلنا الله
سبحانك اللهم وبحمدك أشهد أن لا اله الا أنت نستغفرك ونتوب اليك
والعصر ان الانسان لفي خسر الا الذين آمنوا وعملوا الصالحات وتواصوا بالحق وتواصوا بالصبر
صدق الله العظيم


التاج ده لينا كلنا

================================
ملك الكبدة يبقى منين ؟

أحلى اجابة لأنها رد الرجل صاحب العلم الذي تفوق على الجني في احضار عرش بلقيس لسيدنا سليمان لكي لا يغتر الانسان بنفسه أبداً ويقول قول هارون لقد أوتيته على علم عندي سلم يارب لذا دائماً أضعها نصب عيني كلما فرحت وأحسست أني أنجزت شئ مهم فعلا شكرا التاج عندي بجد تاج الأول في مدونتي ولن يتزحزح عن القمة حكاية أسيبه الحب بيتعوض والدنيا ماتسواش ضفر عيل بجد ولو قرأت رد عصفور المدينة على هذا السؤال قالك تعدد الزوجات البنات ساعتها حتعدد بس أحب أن أكون صادقة مع نفسي بجد العيال مهمة زي الزوج بالضبط والله أعلى وأعلم حيحصل ايه وقتها بس لأن الخطبة عندي مجرد ارتباط ليس موثقاً غليظاً كالزواج لذا ممكن الرجوع عنه كذلك لأنه قد يترتب عليها مشاكل جمة بعد ذلك الحياة مش وردي وأنا عايزة عيال كتير عزوة يرجعولي المسجد الأقصى أمال كنت بتعلم وأنمي شخصيتي ليه بالنسبة للرد على سؤال المريسة أحمد الله أني قد كل كلمة قلتها وقادرة على تنفيذها ومفيش صعب وكل الواقع ابتدا بحلم وأحلامنا ليست أوهام انما حقيقة مؤجلة المقدمة أنت تستحقها ربط المدونات في رأيي عن نفسي يعني ليست كل المدونات التي أتابعها بشغف أربطها لمدونتي ولكن مدونات محددة لشئ في نفس يعقوب رؤية تكون لدي لأني على ثقة أن المدونة الجيدة ستجد طريقها للوصول لأبعد الآفاق مثلا مدونة عصفور المدينة لابد أن أتابعها يوميا ومع ذلك لا أضيفها عندي وبعض المدونات ألغيها بعد اضافتها مجرد أسباب عقلية بحتة مدلول عقلي وفكري أتبعه في ذلك وكما وضحت الرأي للعزيزة سلوى فيما يخص مدونة كلام بنات

Thursday, December 13, 2007

46 ) تاج أولى أول




بسم الله الرحمن الرحيم
وبه نستعين
هذا أول تاج وصل الى مدونتي بحفظ الله وأمنه من شخص لم يكن بحسباني أن يرسله لي نهائيا المدون ملك الكبدة أكيد اسكندراني وبياكل من عند الفلاح ده اسم واحد بتاع كبده مشهور جداً في الاسكنردية
المهم التاج جي من عند قطة الصحراء الى ملك الكبدة اليّ مع سلوى
لا أنكر أن اجاباته أنارت الأفق لإجاباتي بعد ذلك وفتحت أمامي عدة محاور للتفكير وكما أنه أول تاج له فهو كذلك أول تاج لي إذاً مرحباً في في أولى أول
بسم الله وعلى بركة رسول الله
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
كنت سأنظر لهم بأنهم إخواني ولكن الفرع الفقير في العيلة بتاع التعليم بس غلبانين قوي ونظرتي للبيحصل
عندهم يا عيني يا حرام
لوكنت أوروبي أو غير مسلم هتبقي إيه نظرتك للعرب والمسلمين؟
الناس دي مجنونة ومش عارفة تعيش مش متحضرين خالص
لو قالوا لك إنت بقيت رئيس جمهورية هتعمل إيه؟
ر 1 - أهم حاجة وأول حاجة حقعد أسمع وأشوف 3 شهور وعلى خط التوازي مع ذلك أكتب وأسجل أفكاري
ر 2 - بعد ال3 شهور حكون لميت أشخاص على قدر من الكفاءة واحترام المجتمع والقوة وأضعهم في المناصب المهمة مثل الوزارات
ر 3 - حجتمع بهؤلاء كل شهر وأرى مدي التقدم واذا لم يستطيعوا تحقيق ما يضعون من أفكار أنتظر قليلا وأعمل على استبدالهم
ر 4 - حنزل الشارع كل يوم وفي كل حدث وأسأل الناس وأسمع وأشوف بنفسي
ر 5 - على المستوى الدولى حرفع كرامة المصري والمعاملة ستكون بالمثل مع أي دولة
ر 6- أهم حاجة حشتري كل شبر اتباع من أرضك يا مصر
ر 7 - حنظف البلد من الفساد بالمراجعة ومبدأ من أين لك هذا ولن أترك مرتشى واحد في البلد
ر 8 - حفتح بابي وايميلي لأي شخص يريد الاتصال بي
ر 9 - اجمالا سأضع سيدنا عمر بن الخطاب أمامي نموذج
ر10- مهم قوي يا جماعة ممر التنمية والتعمير - الأرض الزراعية - المشاريع الصغيرة - التكتلات لرأس المال عشان المصانع الكبيرة تقليل الاستيراد خالص وتشجيع التصدير - تجميع الكوادر العلمية
ر11- نفض الغبار عن براءات اختراعات المصريين ومحاولة الاستفادة منها جميعا
الأهم أسأل الله كل ليلة هل بذلت جهدي يارب هل ترضى عني يارب الهمني الصواب يا الهي
لوسمح لك برؤية الرسول عليه الصلاة والسلام وإنك تقوله كلمة واحدة ؟
حعيط من الفرحة ومش حقوله حاجة بس حقول الحمد لك ياربي
لو كنا في عصر ازدهار الأندلس كنت تتخيل نفسك إزاي؟
امرأة مسلمة عادية ترفع رأسها فخرا بالاسلام وبتعدي الشارع معرفش ليه
لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب
هيكون ايه تصرفك؟
لو مش بحبه الموضوع محسوم لأنها تضحية ضخمة لو بحبه سأستخير ألف مرة قبل الاستمرار وفي الغالب بصراحة يعني مش حكمل أأقولكم ليه عشان هو ده غرضنا الأساسي من الرجالة العيال لكن لو اكتشفت ده بعد الزواج أكيد حكمل لازم لأنه خلاص هو وأنا بقينا واحد
لو طلعت القمر هتكتب عليه ايه؟
سورة النمل آية 40 " قال هذا من فضل ربي ليبلوني ءأشكر أم أكفر ومن شكر فإنما يشكر لنفسه ومن كفر فإن ربي غني كريم " ر
لو مررت التاج لحد و ما جاوبش هتعمل ايه؟
مفيش حكتب تاج من عندي
تمرر التاج لمين ؟
أنا فرحانة بالتاج خليه معايا شوية وبعدين أديه
مخزجنجي التيجان أبونا عصفور المدينة وكمان الصقر ذو الجناح المكسور وكمان رحاب مصطفى والباحث عن الحقيقة
دلوقتي فيه مشكلة لقيت رئيس الجمهورية خد الصورة بتاعتي ينفع الكلام ده هو الريس كل حاجة ياخدها خلاص مش عايزة أأبقى ريس

يا شباب

يا شباب
ده مش موضوع عشان كده مالوش رقم
بس حبة حبشتكة
يا تري مين على البلوج معايا دلوقتي ؟؟
هه
مين مين اظهر وبان عليك الأمان ؟
ما أنا عايزة أمسك رقبة حد من اللي بيدخل يقري وميسبش تعليق ده
كل حاجة بحساب فين الحساب أيوة انت يا أخ تقرى وتجري كده
كمان حاجة أبشركم وأعلن عليكم
أني وصلني التاج الأول من عند ملك الكبدة
زغرودة حلوة رنت في بيتنا
حجزت مكانك يا مولاي في قائمة الأوائل
معلش عندي فوبيا بحكاية الأوائل دي
يعني أول بلوج قريته أول شراكة تدوينية أول من أضاف مدونتي أول تاج
تاج يا ماما
وصلني تاج تدويني

Monday, December 10, 2007

معلش يا زهر

أعزائي : اليوم 13/12 اقرأوا التعليقات جزء لا يتجزء من الموضوع وشكرا

Anonymous said...
هو حضرتك ما لاحظتيش انى قلت كل سنه وانتى طيبةعموما بسيطة يا ستى راح اعتبر نفسى ما قلتهاش راجعى التعليقات وهتعرفى
Anonymous said...
تورته وشمعة وهوف راح توحشنى مدونتك لان ده اخر تعليق لى هناعلشان كده مش عايز اسمى يظهر تانى

بسم الله الرحمن الرحيم
جاءني هذين التعليقين على بوست رقم 33/34 أيام عيد ميلادي صاحب التعليق لم يرد ذكر اسمه وعجبي ليه معرفش .. كمان عايز يسحب دعوته بتاعة كل سنة وانت طيبة ماشي وماله وعجبي برضه
طبعا لو لاحظ هو كل اللي قلي كل سنة وانت طيبة بقول في سري وانت طيب مش لازم أكتبه كتعليق وطبيعي أنا بدعي لكل الناس وربنا يعلم
أعتقد ان صاحب التعليق الباحث عن الحقيقة لأن هو وسلوى والمدرس المطحون بس اللي ليهم تعليق في نفس البوست ولو إن الباحث عن الحقيقة في الجيش على حد علمي وكلنا في جميع المدونات مفتقدين تعليقاته
مش معقولة سلوى
وكمان المدرس المطحون
معتقدش اني زعلت حد في حاجة خالص
على كل الأحوال من المفروض لما حد يزعل من حد يوضحله ليه أيوة عندي بلورة سحرية بس للناس اللي عرفاهم في الحياة بس
أنا مش فاهمة حاجة ليه زعل ليه مش عايز نعرف هو مين ليه مش عايز يزور المدونة تاني ؟؟؟ فيها حاجة وحشة ؟
الله أعلم
بس يا أصحابي وصحباتي هنا ومحلك سر
خلاص
أنا تعبت أفهم وتعبت من الناس وتعبت من الحاجات اللي بتضايقني بجد
عشان كده خلاص قريب حقفل الدكان خالص أو على الأقل حكتب وأقفل التعليقات من أصله
ولهذا الشخص أيا كان كنت أرحب بكل الناس واذا لم يرد أن يكون ضيفا على مدونتي له كامل الحرية وأحترم قراره والرجل تدب مطرح ما تحب وربنا يوفقه لمدونة أفضل من مدونتي
أستودعكم الله استنوني بأه لما أتوازن تاني
مش عارفة الناس بتضايقني ليه
اللهم أشكو اليك ضعف قوتي وقلة حيلتي وهواني على الناس
ان لم يكن بك غضب مني فلا أبالي
ودمتم

حبشتكة تاني وتالت ورابع


يا عالم يا هوووو
حتجننــــــــــــونـــــــــــي
أنا قلت محدش بيجي المدونة ومواضيعي وحشة ومهملة
قامت سلوى الحلوة قالتلي
حطي العداد وشوفي
طيب بالله عليكم النهاردة عدي كده 29 واحد محدش بل ريقي بتعليق غير ملك الكبدة راحوا فين ال28 الباقيين
طب ازاي قولولي
طب محدش بيقول رأيه ليه في الاستطلاع ؟
المجموع 116 ده حتى مفيش 16
قولوا الكلام وحش
قولوا مش مفيد
على رأي رحمة الله عليه عبد المنعم مدبولي

حيجـــنـــنــــونـــــي

Sunday, December 9, 2007

45) قلمي


أحزين أنت يا قلمي ؟ نعم يا صاحبتي حزين
أجف مدادك يا قلمي ؟ باقي قطرات الحنين
قل لي دواؤك علّي أحضره
ما لي دواء ما بقى إلا الأنين
لا تئن يا قلمي ..
فلتقولي ذاك للسنين
أتعبتني .. أرهقتني .. لم تبقى لي من معين
هل كنت لك صاحبة خير يا قلمي ؟
نعم كنت لي صاحب أمين
أسنلتقي ثانية يا قلمي ؟؟؟
وهل لي أن أستكين؟

أحب الأقلام بشكل غريب وكأني أتواصل معها ويعز علىّ التخلص من أي قلم بعد أن يجف مداده وأجد في ذلك صعوبة غريبة وكأنه طفل كنت أحمله بين يدي وأتعهده بالعناية عذراً لك يا قلمي

44) العبـادة الأولــى

دائماً وأبداً أعرف أني مقصرة في عبادات الجوارح مثل الصلاة والصيام ولكن لي عزاء في نفسي أني أحب عبادات
القلوب بشكل كبير ولو أن هذا لا يجزئ عن ذاك ولكني أحببت أن أكتب لكم عن عبادة جميلة جداً
هي العبادة الأولى تقريبا .. عبادة كل أنبياء الله
عبادة التأمل
دائماً أحب أن أنتظر الشروق لأرى انبعاث الضوء من الظلمة إنه شئ شديد الحساسية يجعل لسانك يلهج بتسبيح الله
ولا يتوقف عن التفكر في عظمة الخالق جلّ وعلى

وأتذكر قوله تعالى " وبالنجم هم يهتدون" وكيف أن بصيص من نور يتجمع في مكان بعيــــــد جــداً قد يدلك على الطريق ويوصلك لوجهتك... عندي حب غريب لمجموعة الدب القطبي الأصغر وما يجاورها من مجموعة ذات الكرسي على ما أعتقد ومجموعة الدب القطبي الأكبر.... كم أحب النجوم كلما نظرت الى السماء ووجدت في وسط كل تلك الظلمة بريق النجوم.. أتذكر النجوم من البشر والأحداث في حياتي وكيف أن هناك بعيدا ما يدلك على الطريق ويرشدك لوجهتك
الهي وحبيبي ومولاي كلمة كانت بداية برنامج اذاعي الساعة السابعة الا خمس دقائق برنامج " طريق النور" .. مناجاة روحية مع الله أجد نفسي أرددها كلما نظرت للسماء وأقول لربي في مناجاتي
الهي وسيدي وحبيبي ومولاي أحمدك ربي وأشكر فضلك على نعمة النظر ونعمة السماء .. نعم زرقة السماء .. كم هي جميلة كم تسمو بروحي وكأني أرتفع لها .. أحمدك ربي أنك لم تحرمني من النظر اليها مع كثرة ذنوبي واخفاقي في عبادتك كما يجب .. نعم أشكرك ربي على السحاب وعلى قطرات المطر وعلى نعمة الاحساس به عندما أستقبل قطراته الأولى على وجهي

أنظر اليك يا حبيبي .. وهل تمل العين من النظر للحبيب

حتى لو خفضت النظر وتلفت حولي رحمتك يا الهي .. أحمدك كثيرا نعم نعم على ثمرة الطماطم .. كم أحب الطماطم وأشكرك ربي على نعمة التذوق والصحة والمال أني أستطيع أن آكلها وأشعر بمذاقها وأشتريها متى أشتهيها ... أشكرك ربي نعم على البطانية صدقاً أشكرك على أنك آويتني وبدثار أدفأني وحماني من برد الشتاء
كم أشكرك وعلام أشكرك ... الكثير نعم في كل حركة وسكنة وكل نفس أتنفسه أشعر بالشكر على ما وهبتني
اغفر لي ربي تقصيري .. اغفر لي فأنت أهل للمغفرة

أيها القارئ لا تمر على الأشياء مر الكرام ..لا لا ..
بل تدبر وتفكر في كل لحظة في كل صورة تراها في كل شئ منحه الله لك أو حتى لغيرك
تدبر في خلق الله

Monday, December 3, 2007

43) لقاء الثلاثاء


أنـــــوار على الطــريـــــــق

أعزائي :ترقبوا معي سلسلة لقاء الثلاثاء

في تلك السلسلة سأكتب عن شخصية لطالما أسرني كرمها الأخلاقي تجاه الناس تلك الشخصية لها أياد من نور على كثير من البشر ممن حولي وممن لا أعرفهم


كنت دائماً اتمنى أن أكتب عن تلك الشخصية ولكن كان يمنعني حيائي من المطالبة بذلك لأن ذلك الشخص وقته من ذهب مقارنة بوقتي كنت أخاف أن آخذ من وقته أكثر مما أستحق فهناك أناس أولى بعلمه ووقته مني ولكن عقدت العزم وطلبت منه أن أكتب عنه ولو حتى لنفسي
من هو؟

هو طبيب مصري كان مديراً لإحدى المستشفيات الحكومية الكبري وله من الكفاءة العلمية حظ جد عظيم وهو جراح من الطراز الأول

أيضا على المستوى الانساني هو شخص عاصر كل العهود الملك ورؤساء مصر جميعاً كان ينتمي للطبقة الاستقراطية وله علاقات بكثيرمن المشاهير في مجال السينما من أيام الدراسة ومع ذلك هو شخص بسيط وأقل ما
يقال عنه أنه مسلم .. مسلم فعلا وقولا وسمتاً
شخص تشرف بأن تضع يدك في يده للتحية
شخص تشرف بالابتسامة له
شخص لو استطعت لإنحنيت مقبلة يده التي رسمت خطوط الحياة على أجساد البشر بفضل الله ثم العلم الذي منحه الله له
لقاء هذا الطبيب تاج أضعه ليتوج ما أكتب في مدونتي
عرفاناً بجهده في الحياة .. عرفاناً بحب الناس له .. اقراراً بأنه أدى الأمانة على خير وجه ونحسبه كذلك ان شاء الله
لقاءك سيدي شرف منّ الله عليّ به
سيدي أنت قيمة كبيرة في قلوب من عرفوك وأنت لي.... نور على الطريق

42) فنتاستيكا

فتح عنيك وامشي بخفة ودلع
الدنيا هي الشابة وانت الجدع
تشوف رشاقة خطوتك تعبدك
لكن انت لو بصيت لرجليك تقع
وعجبي
ياه فينك يا أيام المدرسة
فينك يا إذاعة الشرق الأوسط

41) كلام نواعم

بما اننا يا مدونين مش من فصيلة هزي يا نواعم ممكن نتكلم بس كلام نواعم
دي نصائح غريبة حبيت أكتبها واللي عنده غيرها يضيف طبعاً
لما عيل شقي يسيب مستيكة وتلتصق بهدوم ولا بالكنبة الحل قطعة ثلج تمرريها على المستيكة وبعد ذلك تقشطيها
لما انتي تبقعي هدومك سمنة عشان انت في أول سنة طبيخ تحطي عليها بودرة تلك وقطعة قماش وتكويها بس النتيجة مش أكيدة المرة دي
لما تكون فيه بقعة شحم عشان مبتعرفيش تركبي العجل كويس لا تيأسي كلوركس ألوان على الناشف وتدعكيها ثم تغسليها أكيد بإذن الله البقعة تروح
لما تكلي سمك أو أي رائحة غير مرغوب فيها ادعكي ايديكي الجميلة بقشر طماطم بجد أنفع ميت مرة من البرفان
لما تكوني على الشط وأي حاجة معاكي عايزة تنظفيها ادعكيها بالرملة واشطفيها بماء البحر لحين العودة للشاليه
لما يكون عندك برد مهم جدا تشربي الليمون مضروب في الخلاط مش يدوي لأن اللبادة البيضاء حول الليمونة تعتبر مثل مضاد حيوي قوي
لما عيل شقي يوقع بيبسي على السجادة الجديدة بتاعتك بسرعة جففيها بورق مناديل بسرعة ساعتها لن تحتاجي لغسل السجادة
لبشرتك زيت الزيتون
لشعرك الصبار
لأظافرك عصير الليمون
لسمرة البحر قناع زبادي مع نقطة ليمون
عشان الاكتئاب شمي ورد كتير بجد بيغير بعض المواد الكميائية بالمخ ويقلل من الاحساس بالحزن
جمالك في شخصيتك يا نواعم

40) برضه حبشتكة

حد يقول لإيهاب توفيق عيب يالولو يا لولو عيب
أغنية له فيها جملة مين يشوفك ويقدر يمسك نفسه وجامدة قوي زي الكتاب ما قال
خسارة وعيب على تاريخك
وبالذمة ده منظر وانت قاعد في وسط دايرة من العرايا معرفش ليه تخيلتها دائرة من النار
ربنا يهديك
بزعل على كل مسلم بجد معرفش ليه كده ليه الانحطاط اللفظي ده خلاص مفيش كلام غنى غير المسخرة دي
ربنا يهدي

39) هزي يا نواعم

سلامو عليكم ازيكم جميعا
حبة حبشتكة شفت خير اللهم اجعله خير برنامج هزي يا نواعم على قناة لبنانية
عيب والله عيب ايه ده ايه المسخرة دي أمة بتطلع رقاصات وناس راحت القمر ايه ده أحكيلكم شوية قعدت أتفرج أيوة طبعا مش أشوف مستقبل الأمة العربية !! ايه يا جماعة ده فن رفيع خالص مع إن أجسامهم مش رياضية ومن الآخر مبيعرفوش يرقصوا فين أيامك يا فيفي معلش الرقص يبقى فيفي عبده
واحدة عندها 20 سنة مشتركة نجوى فؤاد قالت رقصها وحش والبنت قالت ازاي أنا من مصر ( بلد هز يا وز ) طبعا البنت محقة
واحدة من البرازيل بكت أمها كانت بتقولها فخورة انك بتهزي كويس
واتنين من المغرب واتنين من لبنان والسيد زازا ده اسمه مش ظاظا كما توقعت من هيئة التحكيم
سيمون أسمر مخرج الروائع قال كلمة حكمة لواحدة منهم أهم حاجة المتفرج بيبص فين
عيب والله مسخرة
عيب يالولو يا لولو عيب ( اسم فيلم معرفهوش ) عيب والله
ما البنات بترقص في بيتهم لازم المسخرة علني
بالذمة كيف نرتقى بأمة لها برنامج هزي يا نواعم وكيف تقبل امرأة على نفسها أن تكون رخيصة جدا ويقال لها ما تهزي يا نواعم ايه ده ايه ده
اللهم لا تؤاخذنا بما فعل السفهاء منا
مشفتش البرنامج تاني ومعرفش مواعيده معلش