عيد كريستالي أحسن من مبارك ولا إيه
:))
كل عام وأنتم مغفور لكم وإلى الجنة أقرب

تهنئة

عيد سعيد وطبق فتة شديد

كل عام وأنتم بخير

اللهم يسر لنا حج البيت المعمور يارب

تحياتي لكم

عروسة المدونين

خبر مفرح
عروسة المستقبل ستطل على شاشة دريم في العاشرة مساءاً اليوم
وكذلك في البيوت أسرار يوم الجمعة التاسعة والنصف تقريبا في ايه ار تي عيون

عيد ميلاد

عيد ميلاد الليلة مين عيد ميلاد النونة
حنفرح ست الحلوين ونشيلها في عيونا
مع انها كبيرة مش صغيرة
بس كل سنة وانت طيبة يا أختي ويارب دايما سعيدة
وفي يوم من الأيام لما تشوفي مدونتي
تعرفي اني فاكراكي
عيد ميلاد سعيد
ماما كتبت اختي يوم 15 عشان عيد ميلاد عبد الناصر

52) مرحبا 1429

ياه وحشتني يارسولي يا حبيبي يا مصطفى .. أوحشني صاحبك ورفيقك سيدي أبو بكر وجميع صحابتك لكم تمنيت أن أمشي طريقك ورحلتك وأري الغار الذي آواك .
" لا تحزن إن الله معنا " لا تحزن يا رسولنا الحبيب فإن الله معنا
يا الهي يا ملائكة الرحمن أبلغوا رسولي حبه وحب من أحبه أبلغوا رسولي اشتياقي
كل عام هجري وأنتم بخير واهجروا السيئات والذنوب اكراما للحبيب ومن قبلها طاعة للمولى عز وجل تذكروا رحلته وصعابها واستعينوا بها في رحلتكم لهجر المعاصي أو للكفاح من أجل عزة الأمة
دمتم لي بخير وصحة وعزة

اللهم اجعلها سنة بركة ورزق ونصرة حق لنا جميعاً

يا شباب

يا شباب

ده مش موضوع عشان كده مالوش رقم
بس حبة حبشتكة

يا تري مين على البلوج معايا دلوقتي ؟؟

هه

مين مين اظهر وبان عليك الأمان ؟

ما أنا عايزة أمسك رقبة حد من اللي بيدخل يقري وميسبش تعليق ده

كل حاجة بحساب فين الحساب أيوة انت يا أخ تقرى وتجري كده

كمان حاجة أبشركم وأعلن عليكم

أني وصلني التاج الأول من عند ملك الكبدة

زغرودة حلوة رنت في بيتنا

حجزت مكانك يا مولاي في قائمة الأوائل

معلش عندي فوبيا بحكاية الأوائل دي

يعني أول بلوج قريته أول شراكة تدوينية أول من أضاف مدونتي أول تاج

تاج يا ماما

وصلني تاج تدويني

34) أحلى حب

بما إن عيد ميلادي السعيد يوم عيد الحب العربي بتاع مصطفى أمين رحمة الله عليه كنت دائماً وأبدا أنتظر ورد في يوم عيد ميلادي ولم يحدث يوما حتى جاءت إحدى جاراتنا ربنا يكرمها جايبة لي وردة بلدي بمبي جميلة السنة اللي فاتت قالتلي السنة الجاية إن شاء الله تيجي من حد تاني

برضه مفيش ورد.. أيام الجامعة كنت أقعد أضحك لأن الكلية كلها ورد وأنا أصحابي هاريني دباديب .. مرة أحد زملائي جابلي شيشة صغيرة خشب ومرة واحدة صحبتي

جابتلي جيتار على ترابيزة بيلف ويعمل موسيقى وفيه درج للمجوهرات وشفاف جميل بس ماجاش الورد خالص

الشباب يرحل مودعاً ويبتعد سنة تلو الأخرى

أحلى ماسج من بنت خالتي في سنة من السنين الساعة 12 وثانية واحدة

أحلى هدية هدية صحبتي دي

أكتر كمية من أختي الحبيبة 3 هدايا أباجورة عشان القراية ومج ورد وقطعة كريستال مكتوب عليها الله

أحلى مكالمة من أحد المهندسين بالشركة التي كنت أعمل بها من الخارج يقول كل سنة وانت طيبة لأني كنت دايما بقوله على أعياد ميلاد العاملين لحد ما زهق مني

أحلى سنة من غير كلام 21

أحلى مكان الأقصر وأسوان

أحلى حاجة اني بنت ماما ربنا يخليهالي

أول عيد ميلاد مع المدونة لقيت اني مش مبسوطة قلت أفتكر أحلى حاجة

عيد سعيد

عيد فطر سعيد لكل الأمة الاسلامية إن شاء الله