ترقبوا

ترقبــــــــوا

بدأ العد التنازلي ليوم ميلادي يوم 4 نوفمبر

لذا عندي فكرة كل واحد يقول

طبعا الناس اللي عارفين المعلومات الشخصية بصفة رسمية مني ميقولوش انا قصدي التخمين ممن لا يعرف بس طبعا يجاوبوا على الباقي هنا في التعليقات محدش ياخد التاج ويجري على مدونة ماشي وحعمل تحكم في التعليقات عشان محدش يغش من اجابة التاني

ده تاج بس تاج محدش حيخده مني

تحديث هااام جداً

متخيلين عندي كام سنة ؟؟؟

1- متخيل اسمي ايه

2- شكلي ايه

3- خريجة ايه

4-أحسن حاجة قراها في مدونتي ايه

5- يصنف مدونتي في كلمتين وبس بإيه

6-اذا وصف انطباعه عن شخصيتي في كلمتين وبس يقول ايه

7-لو قيم مدونتي من واحد لعشرة يديني كام ؟

زاد عمري سنة

ونقص من عمري سنة

طبعا منستش آخر الحصاد حكتبه بعون الله قريب

تحياتي

165) تدوينة شـــــاردة

وجدت تلك التدوينة القصيرة شاردة بين صفحاتي

لذا وضعتها على الطريق الصحيح ثانية :)

.

أحـداث وكـلـــمـات

---

الدويقة .. حلقة من مسلسل قتل الذباب المصري المسمى خطأً الشعب

---
هشام طلعت مصطفى ... كان خارج مدينته

--
نواب المجالس التشريعية .... أصحاب زنازين فاخرة مع ملايينهم الزاخرة

---
السيد حسني مبارك ... أقسم بالله أشفق عليك

---
جمال مبارك ... ميراث ملعون ابتعد عنه

---
العبارة ... تذهب الجثث في البحر وحساب الله باق

---
مسلسلات رمضان ... لهو يمكن للعاقل تأجيله أو الاستغناء عنه

---
جمال الشاعر .. افتقدت الجائزة الكبرى

---
إغلاق المساجد بين الصلوات ... الذي ينهى عبداً إذا صلى ( مقال صدق من جمال الشاعر ) ز

---
صلاة التراويح بالمساجد ... يا نساء الاسلام اتقوا الله في بيوت الله

----
رمضان ... يا شهر خير من ألف شهر أظلنا بالعبادات

لم تنتهي الأحداث ومتابعة لها بعد الفاصل

145) كلمة ومعناها

كلمة ومعنى

فستان ـ رداء حب
جبال ـ عزيمتي
محيط ـ محيط
نقطة تحول ـ كلمة لا
شلالات ـ سقوط الآخرين من نظري
كتاب ـ عقل آخر ومعناه
طواحين الهواء ـ قوة غضبي
دوار ـ عندما أحتار
فقاعة هواء ـ سباب الآخرين لي
الماء ـ أم
الثقب الأسود ـ مقبرة التاريخ
الرعد ـ غضب الطبيعة
البرق ـ سرعة الجزاء
زغللة ـ كلماتي :)

اللى عنده معاني تخصه لنفس الكلمات رجاء يشاركنا بها

139)كلمتين وبس

كلمتين وبس

.
ـ في برنامج اتكلم أحمد عز بيقول حرام الدعم يروح لصاحب سيارة على حساب الفقير
والدعم الذي تلهفه حضرتك يا صاحب الطيارة ايه اخباره ؟

.
ـــ الدولة علاوة 30 خدت قصادها أضعافها .. حسبي الله ونعم الوكيل

هذا الكلام كتبته منذ عدة أيام ولم أنشره وقتها

ـ
ـــ المصري اليوم مقاله عمر طاهر ـ أنا أعترض إذا أنا مخنوق ـ وجهة نظر تستحق القراءة
عمر سليمان !! علامة تعجب صورة رجل المخابرات يومين على التوالي بجريدة واسعة الانتشار

ـ
ـــ محافظ اللعيبة صرف 100 ألف للاتحاد ؟؟ من أي بند في الميزاينة ؟؟؟ وهل صرف مثلها براءة اختراع مثلا أو بناء مصنع يأكل عيش أو منح للزواج لغير القادرين

حسبي الله ونعم الوكيل في محافظ الاسكندرية على اهداره للمال وروح طفي النور بالنهار أولى

ـ
ــ 15 ألف للاعبي الاوليمبي ؟ من ميزانية النادي ؟ أليست النقود من الاشتراكات وخلافه فأين مبدئياً الخدمات لرواد النادي وعجبا عجبا أليس اللاعبين من المفترض عليهم أن يفوزوا والمكافآت تلك شهر مثلا من المرتب أم مفتوحة حسب دماغ من يقرها ؟؟؟؟؟
ياريتني كنت لعيب كورة

ـ
ـــ زيادة أسعار البنزين .. زيادة أسعار السلع .. رخص تمن البني آدم

ـ
عجبت لك يا زمن

إعلان

الموقع ده فكرته جديدة ومهمة لتبادل الثقافات والأفكار

اسمه منشورات

مش بمعناها بتاع زمان لأ مقالات يعني

المدونة دي بجد ربط دماغ أرشدتني لها جنى

حكاوي آخر الليل

استمتعوا

وطبعا روحوا للربان تجدوا ما يسركم

113) لحظة من فضلك

لو بكتب كتير ولا قليل نقي اللي يعجبك ويارب يعجبك كتير

أكتب في الدين كل ما أكتب أعتبره كتابة في التوحيد ولكني أجد نفسي كلما أردت أن أكتب أدعو أدركنا

يارسول الله

تساؤل بسيط عن رؤية الشيخ للرسول صلى الله عليه وسلم ووصيته لمبارك لم يحدد الرسول خلافته

لسيدنا أبو بكر بعد وفاته عندما كانت الأمة الاسلامية في بدايتها وبالفعل قواعد الحكم موضوعة ولكنها

لا تفعل فأساس الحكم العدل فقط يطبق العدل تسير الدولة وتنهض ولكن الله أعلم لا أعتقد أن هناك من

يمكن أن يجترئ وينسب رؤية للرسول بدون حق أتعلمون أغنية السيد الكحلاوي

عندما قال لبسني توب سألته الشاعرة علية الجعار قائلة لا أستطيع أن أكتب ذلك عن الرسول فقال لها ولكنه حدث في منامي بالفعل فنظمت هي الكلمات
أدركنا يا رسول الله

دمتم لي

100) على الماشي

على الماشي وبدون الدخول في تفاصيل تبعاً لحالة الاكتئاب المزمنة عافاكم الله منها

مرة واحد قتل زوجته وأولاده وحاول ينتحر سألوه قبل ما يموت ليه قتلتهم

قال خفت عليهم يكتئبوا زيي

" طبعا أنا فاهمة قصده "

لولا بقية من ايمان

في برنامج على قناة الشارقة اسمه " ثم اهتديت " عن من دخلوا في الاسلام حلقة من غرناطة السيد محمد خير الدين

ما أجمل أن تسمع أذان أو شهادة تنطق من شخص أجنبي وصل لبر الأمان

قناة الأنوار .. ليه بيضربوا على صدرهم طول الوقت ؟؟؟

برنامج موسوعة الأخلاق الاسلامية

حوار مع الداعية د/ محمد راتب النابلسي

الاستقامة حدية والعمل الصالح نسبي بارك الله له

ما علينا .. ده اسم البرنامج برنامج ساخر على ايه ار تي عين المذيع اسمه خالد بس المذيعة مش عارفة بتعمل ايه في البرنامج بالضبط فما علينا

مقال رياضي

ولو أني ليس لي في الرياضة لا ناقة ولا جمل "اذا صح التعبير " ولكن من جودة العرض مقال الأستاذ ابراهيم حجازي الجمعة 7 مارس والجمعة التي سبقتها فيما يخص أخلاقيات الرياضي الهارب تستحق الاطلاع والتفكر

بس كده

تنويه

عزيزي سوووووو

سوف أكتب ما معنى اسمى وملابسات الموضوع

وكذلك يا ميراميد

سأكتب لك قصة الحورية خاصتي

ولكن صبرا عشان بالانجليزي

وأنا في الاملاء وحشة قوي والديكشنري مغلبني

وكمان الفاتورررررة ولعت

سلام رايحة أنام

أيوة كمان خلصت كتاب حقولكم عليه

بكرة بأه

85) هشام سليم

مع إني ماليش في الممثلين قوي يعني لا أهتم بأخبارهم بس معرفتي بهشام سليم إني شبهه بمعنى ملامحي حادة شوية وبيتقال علىّ أحيانا مغرورة وكده يعني

مع ان الزمان هدني ولا حد بيودني --حسن الأسمر

هشام سليم في العاشرة مساءاً قال كلمة مهمة قوي

سيبوني أخدم بلدي ياناس لو مش في الفن في أي مجال

شخصية عامة من عائلة عريقة وطفح وزهق وحتى صوته اختنق في بعض اللحظات من الظلم البين

لا اله الا الله

كل التداعيات في رقبتك ياريس

على فكرة حد يقول لخالد يوسف الذي يناطح بكلمة أنا لسه معملتش أفلام عن زنا المحارم خاصة وهو يلبس عباءة المناضل حالياً

ممكن تنجح قوي كمخرج خاصة وأنت بالفعل تملك أدواتك كاملة

ولكن بأفلام عن الحرب أكتوبر حكاياتها كتير

طب بلاش عندك العبارة

طب بلاش عندك قطر الصعيد

طب بلاش عندك حتى مسيرة المنتخب لحد ما كسب اللعيبة كل واحد حكاية طالع من محافظة شكل

اللي عايز يعمل فن الفن كتير مش لازم المحارم

ولا ايه؟

84) كفاية بجد كفاية

كفايــة

كفاية خليك جنب الحيط

كفاية

كفاية أضعف الايمان

كفاية

كفاية انت مش حتصلح الكون

كفاية

كفاية معلش

كفاية خليك في نفسك انت عندك عيال

كفاية

كفاية وأنا مالي

كفاية متقدرش

كفاية انهزامية وسلبية وهوان

كـــــــــفـــــــــــــايـــــــــــة يا ناس كفاااااااااية

يوم الجمعة

رأيك ايه قولي

إذا كنت عايز تقول تعليق على أي موضوع في الأسبوع الماضى

هذا هو المكان

70) كلمتين وبس

الفريق القومي : بارك الله لكم ولنا فيكم

حسني : سلمت على أياد شرفت أنت بها ولم تستحق

مدونات في العاشرة : الحلم ممكن يتحقق

دار الشروق : مؤسسة تستحق التقدير

مجدي مهنا : نقص معيني

مصر : مقدرتش أعملك حاجة

التدوين : عبء نفسي علىّ

سلوى : مختفية

جنى : حسمع كلامك

وزير المالية : حسبي الله فيك وفي اللي عينك

شعب مصر : قوم دافع عن حقك

التعليم : سنصل يوماً

الرياضة : خطوات واثقة

السياسة : رايحين بينا على فين

أصدقاء : أشباح من الماضي

اي ميل : طيات الحزن

لنفسي : اصبري وصابري