87) تليفزيووون

في التليفزيون

ما هو الاعلام ده موضوع كبير يا جماعة

في قناة أو تي في برنامج اسمه شغال محدش يسألني هو ايه اللي شغال معرفش

المهم راحوا سألوا البنات بتتكلم في ايه والولاد بتتكلم في ايه طبعا اهتميت عشان مدونة كلام البنات اللي شكلي فيها غلط المهم سمعت العجب

البنات : بنتكلم عن الموضة والولاد .. بس كده جميع الاجابات

الولاد : بنتكلم عن البنات والعربيات وواحد من باب الحياء قال الدراسة .. برضه بس كده

محدش قال حال البلد محدش قال مصايب البلد محدش قال عن أحلامنا الشغل العيشة الدنيا التكنولوجيا

طبعا البرنامج كان نازل في نادي أو جامعة خاصة معرفش ملمحتش بنت محجبة في الموضوع والولاد حدث ولا حرج موضات الشعر عجـــــــــب عجب

في العاشرة مساء

استضافت دكتور من كلية الهندسة اتكلم عن الحديد الراجل وجهه تعمر - احمر يعني - من زعله وقهرته على اللي بيحصل لسوق الحديد وعدم الاستثمار فيه في الصناعات الثقيلة ومجرد تصنيعه كحديد تسليح فقط الدكتور كان محدد وومنطق الفكر ووضح أمور عن نفسي مكنتش أعرفها

المشكلة مش في العقول والكفاءات

المشكلة في رقبتك يا ريس

على قناة Animale Planet

شفت برنامج بيلموا الغزلان اليتامي ويربوهم حاجة بصراحة جميلة اتسمرت قدام الحلقة وكأن الغزالة عيل بيربوه بجد سبحان الله وأول مرة أعرف ليه شخصية الغزالة بامبي في الكرتون والقصص منقطة

لمعلوماتكم الغزالة المنقطة صغيرة السن ولما بتكبر بتروح النقط منها وفي الترجمة اسمها حشفة

قناة جميلة مرة بردوا ربوا الأفيال اليتيمة

الطبعة الأولى

حتى الآن مازالت تصلني تعليقات في موضوعي عن أحمد المسلماني وبرنامجه الطبعة الأولى أحمد المسلماني كتاب تسطر فيه أفضل العبارات لصحبته للعلماء مثل زويل ومحمد غنيم وهذا شئ جد خطير ومهم

نعم صاحب العلماء

في قناة MBC Action

حلقة من مسلسل تظهر المسلمين وكأنهم همج .. القصة ببساطة واحد أخته اغتصبت والمحققة ساندتها على أن تتعرف على المجرم .. الأخ بقدرة قادر راح ضرب المحققة وعدمها العافية عشان فضحت أخته انها مبقتش عذراء ومش حينفع تتجوز

وكأن الاسلام عذرية فقط بعدها الحرب بالله عليكم كم مسلم تعرفوه يفعل ذلك

ممكن الناس تتخفى نعم لا تدلي بشهادتها يجوز لكن يروح يعتدي على المحققة عشان بتساعد أخته ؟؟؟

أين الاعلام الاسلامي الله يرحم العقاد مخرج ومنتج فيلم عمر المختار أو أسد الصحراء بالانجليزية

آه نسيت إحنا ورانا زنا المحارم بتاع خالد يوسف أهم

ودمتم لي

31) كلمات .. ليست كالكلمات

أحياناً تسكن فينا بعض الجمل أو العبارات التي تعني لنا أكثر مما تحمله معاني كلماتها. تحمل لنا شعور لا بل حالة شعورية متكاملة بالضحك .. بالدموع .. بالتفكر أو التذكر تكون لنا مع الزمن والتكرار رابط ذهني عميق . دائماً وأبداً هناك جمل من أفلام تظل تتردد في أذني مثل مقاطع الأغنيات وتحمل في نفسي أثر عميق لا يحمى مهما مر الزمان عليها.
أمثلة لذلك سأكتب الجملة واسم الممثل واسم الفيلم وعلى من يقرأ يشاركني أفكاره ويكتب بالتبعية بعض ما حفر بداخل عقله وما ثبت به من جمل جميلة في فيلم أو مسلسل .. ماشي ..

صلاح الدين يحسن اختيار سفراؤه ( ريتشارد قلب الأسد) فيلم ( صلاح الدين

اللهم ألهمني القدرة على الصبر ( أحمد مظهر ) فيلم ( صلاح الدين

U complete me ( توم كروز ) فيلم ( جيري ماجواير )

الشبه مش تقاطيع وملامح الشبه روح واحساس ( بوسي ) فيلم ( حبيبي دائماً

(Never say sorry) Love story فيلم

ياولاد الكلب (نور الشريف ) فيلم ( سواق الأتوبيس

May God Grant us the wisdom to discover the right …. The will to choose it .. Strength to make it endure. (شون كونري ) فيلم ( الفارس الأول )

حقها ولا مش حقها ؟ ( نور الشريف ) فيلم ( العار

I obeyed every rule… but they loved u more (أحد الأبطال) فيلم ( أساطير الخريف

من أنت ؟ ( سعاد حسني ) فيلم ( خلي بالك من زوزو

ينصر دينك يا شيخ ( تحية كاريوكا ) فيلم ( خلي بالك من زوزو

If u just turn in that moment فيلم ( زمن البراءة

مصر حتفضل غالية عليا ( محسن محيي الدين ) فيلم ( وداعاً بونابرت

عشان مصر تعيش أغلى الناس بتموت ( ماجدة ) فيلم ( العمر لحظة

والبقية تأتي بإذن الله ... رجاء لا تبخلوا بالمشاركة بجملكم وعبارات أحسستموها وكانت علامات لكم
دمتم لي ..

6)لكل عاشق وطن

صحيح لكل عاشق وطن .. أحدنا وطنه البلد وآخر وطنه العلم وآخر وطنه الفن وعاشق وطنه قلب الحبيبة . سمعت كلمات تلك الأغنية من ايمان البحر درويش في لقاء تلفزيوني .
لكل عاشق وطن .................. ولكل راحل زاد
وكل غربة بتمن ................... ولكل أم ولاد

هل فكرت ضيفي الكريم هل أنت عاشق أم لا ؟
إن كنت ما هو وطنك ؟
وان كنت راحل الى أين وهل لديك الزاد الذي يعينك على الرحلة ؟
وان كنت مغترب فما هو ثمن غربتك .. ؟

3) الأيام

الأيام

أغنية لسمية ولو أن محبي شيرين عبد الوهاب يرون أنها أحلى وأندي صوتاً من سمية .. ولو أني من محبي شخصية شيرين لكني أجد أن سمية صوتها جميل وأجمل شكلا من شيرين وأغانيها جميلة كنت أحب أغانيها بدون أن أعرف من هي لأني سيئة جداً من الناحية الفنية فلا أحفظ أسماء المغنيين والممثلين ولا أهتم بأخبارهم كثيراً

أغنية الأيام كانت في تتر فيلم ولكن كلماتها تداعب أذنيّ من وقت لآخر

عيد حساباتك شوف في حياتك جي منين على فين ؟ مهما بتقوى هي الأقوى كله سلف ودين

كشف حساب ياترى لو عملت كشف حساب لحياتي وشفت جاية منين ورايحة فين حيكون مكتوب فيه إيه ؟؟

ياتري يا قارئ المدونة أتكتب لنفسك كشف حساب ؟

كل أد ايه ؟؟

بتقدمه لمين ؟؟

غيرت حاجة في حياتك بسبب كشف الحساب ؟

ياترى أنا جاية منين ورايحة على فين ؟