Monday, November 5, 2007

35 ) أسماء وحسابات

ده بوست جميل في مدونة العزيزة سلوى حاولت أحطه كله لتسهيل القراءة بس لم أجد له الرابط وبصراحة اتشلفط التنسيق خالص مع كوبي وبيست لذا روحوا شوفوه عند سلوى وده كان تعليقي على الموضوع
طبعاً للإسم تأثير على الشخصية أولا لأن الرسول الكريم صلى الله عليه وسلم قال كده ده حديث ولما أجيب النص
بتاعه حبقى أكتبه وفي رأيي المتواضع لأنه رابط ذهني والعقل بيشتغل بالصور يعني لو واحد اسمه حرب كل ما حتناديه حتشوفي صورة دبابة مثلا في دماغك طبعا وده رابط ذهني قوي وحيتكرر كتـــــــير الناس بتنادي عليكي كل شوية علم الفلك والأبراج الرسول صلى الله عليه وسلم كان من معجزاته انشقاق القمر وبالنجم هم يهتدون والله أقسم بالنجوم والكواكب كثيرا بالقرآن العرب من أوائل علماء الفلك وأيوة بيأثر بصفات معينة زي البيئة ما بتأثر مثلا السواحلية ليهم طباع البدو ليهم طباع بس كل بدوي له برضه صفات تانية مختلفة عن التاني يبقى بنتكلم عن الخطوط العريضة بس وطبعا الأقدار لأ مسألة قدامك سكة سفر وجايلك يا سلوى مليون جنيه لأ بس فيه حاجة مثلا برج الثور أغلبهم عصبيين أيوة صح لكن مع الاسلام والايمان يختلف ليه عشان برضه الرسول قال ما الحلم إلا بالتحلم يعني الاسلام بيهذب ويعدل بس بتوع التور أقرب للعصبية مثلا من الحمل التور يبذل مجهود أكبر للهدوء عن نفسي أيوة برسم صورة عامة للشخص من اسمه وبرجه وبدل ما سيبتيني أأقعد أحسب كنت قلتي من الأول يعني انتي الهام فني وغيبيات جميل حنعيش كلام أنا وانتي ان شاء اللهوفي الطرقة التانية سواء بس فيه حاجة مثلا عندي ابداع وعندي كسل كمان الانسان باكدج على بعضه كده يعني لو ذكاء 60 ومفيش صفات تانية أحسن ولا واحد ذكاء 20 وطيبة 40 والتزام واصرار 20 يبقى كام كده 80 حيكون أفضل في النهاية ننظر للإنسان كوحدة متكاملة انصهرت فيها الصفات كالألوان فظهر لون فريد لا تستطيعين فصلهم فقد أثر كل لون على التاني بمعنى الأبراج مؤشر فقط ونهاية بعد التطويل الفظيع ده إن أكرمكم عند الله أتقاكم هي فصل الخطاب معلش أصلي بحب المواضيع دي قوي شغل عيال بس مبهجة بالنسبة لي وطبعا ححطه على مدونتي بالكامل ودمتم

12 comments:

Salwa said...

أنا شفت الرد ده قبل كده

هلا LG

سعيده أن الموضوع اعجبك
وانتظري البوست القادم ان شاء الله

تحياتي

Doba said...

على فكرة انا مهتمة جدا بالموضوع ده
وبرده رأيى من رأيك

كنت محتارة انتى ولد ولا بنت
برج العقرب برج ممتاز على فكرة - انا بعشقه جدا - جوزى منه بقى

هههههه

تقبلى مرورى
هبة

Doba said...
This comment has been removed by the author.
L.G. said...

مرورك جميل وآرائك كمان في مدونة الصقر الجريح وطبعا جوزك من برج العقرب ده موضوع مهم جداً العقارب كلها خير ان شاء الله
بس للصدق الموضوع أضيف عن طريق مدونة سلوى وليس عن طريقي وما أنا إلا مجرد رأي فقط
ومتحتاريش أنا مش ولد ولا بنت لأن الصفات دي لصغيري السن ولست كذلك
بس للمعرفة خريجة جامعة
عندي تاء التأنيث ودمتم
مقلتيش رأيك في الاستطلاع ؟

عصفور المدينة said...

أحترم قرارك بهجر المدونة ولكن اتركي الباب مفتوحا ربما تعودين إليها الفينة بعد الفينة

أعانك الله

Jana said...

معقولة يعنى..اول مرة ازور مدونتك
الاقيك قفلتيها
عموما لحظات الاكتئاب دى بتعدى كتير بينا وبتنتهى برحمة ربنا
المهم متخليهاش تخسرك حاجات حلوة فى حياتك
واللى المدونة دى منها
خدى وقتك
وارجعى تانى
ومتنسيش ان ربنا رحيم قوى بعباده
دمت طيبة

بيتنا القديم said...

الله ينور يا فندم
سؤال
حضرتك مانعه التعليق فوق ليه..؟!
لعله خير
(:

بيتنا القديم said...

لو سمحتي

وبعد إذنك

ممكن ترجعي

للناس اللي

بتحبك وبتحترمك

وتدوني..؟!

ممكن..!!

(:

مدرس مطحون said...

فكرة قفل المدونة دي مش كويسة يا ريت تكتبي تاني وتعبر عن نفسك من جديد دي نصيحتي
سلاااااااااااام

مدرس مطحون said...

على فكرة حرام مدونة رائعة زي دي تتقفل مش عارف ده يأس ولا إيه أنا قولتلك قبل كده وبقولك النهاردة لا يأس مع الحياة ولا حياة لمن تنادي، اعملي اللي يمليه عليكي ضميرك وممكن كلمة صادقة تغير الدنيا مش شرط دلوقتي ممكن بعدين

L.G. said...

الغريب أن كل من يطالبني بالرجوع ليس لهم تعليق على ما أكتب معنى ذلك أنه لا شئ يسترعى اهتمامهم فيما أكتب فلم أكتب ؟
مع استثناء سلوى

Jana said...

طب ده كلام !!!!؟؟؟؟
يعنى احنا لو لم يسترعى انتباهنا ما تكتبيه
كنا دخلنا قولنالك ارجعى اكتبى ليه!!؟

الامر ببساطة انك منعتى التعليق على البوست اللى قررتى فيه عدم التدوين

فلم نجد الا البوست السابق لنضع فيه
تعليقاتنا
وهمنا بانك ترجعى غلب على اهتمامنا بالتعليق على التدوينة ذاتها
وانا عن نفسى كانت اول مرة ازور مدونتك ...ولما لقيتها رائعة كمن تكتبها..طلبت منك العودة ..ولم اعلق على شىء قديم ..املا منى فى التعليق على الجديد بعد كده..
وبعدين مانتى جيتى سألتينى ليه بقالى مدة مباكتبش من غير ما تعلقى على البوست اللى كومنتى فيه
ايه المشكلة؟ انا اعتبرته اهتمام منك بمدونتى وانها عجبتك واسترعت اهتمامك ..فسألتى عن الجديد

ارجعى اكتبى انتى بس
وشوفى يا ستى..عدد التعليقات بعد كده
انتى فعلا متميزة

سلاااااام