Monday, August 11, 2008

155) لحظة إنكسار


هناك لحظات تمر بي كثيراً أشعر فيها بالانكسار .. تتناثر فيها روحي واحاول أن ألملمها عبثاً.. أحاول .. وتعاودني لحظات الانكسار وكأنها تأبى أن تتركني إلا أشلاء متبعثرة

أتوجه إلى الله متساءلة ماذا فعلت لأبتلى على هذا القدر .. ليست قوة إيمان .. لا .. لأني أشعر بفقد الايمان من شدة إفتقادي للسعادة ولو لأيام معدودة في حياتي

لحظات الانكسار تجعلني في ضعف دائم لا أقوى على النهوض من عثراتي لا تعطيني فرصة متوالية هي علىّ


يغلفني الحزن فلا أستطيع الحراك ..يكمم فمي فلا أستطيع الصراخ

كم أرهقني الحزن

عايزة أعيش

نعم تساءلت العزيزة منى : متى يجئ غدي الذي سأعيش فيه ؟

وجدت أني انتظر هذا الغد منذ سنين وأجده لن يجئ

أشعر بموتي من زمن بعيد

نعم أريد أن أعيش أن أحيا

أريد أن أعمل أن أحب أن أتزوج أن أكون أم أن يكون لي حياة أن أتنفس

ولكن أين هي حياتي ؟؟

أرى جمالي يذهب عني مولياً ويذوب بين أصابعي مع السنين أتلفت حولي وأنادي فأسمع صوتي بدون رنين فلا أجد له صدى أبحث عن قلبي وعقلي أجدهما في غيبوبة تامة
لا أريد أن يكون الموت عنواني
موت الاحاسيس موت المشاعر موت الأفكار
نعم كل شئ بي يموت .. كل شئ
ماذا فعلت ؟؟؟

17 comments:

Alkomi said...

عادي احيانا بتحصل للواحد لحظات انكسار و انتصار علو و دنو لان الحياة كدة

كر و فر

رحــــيـل said...

جيت اعلق بقى واقول وافضفص
خدت بالى من الجمله اللى انتى حطاها فوق

فضلاً إجعل تعليقك كلمة من نور تضئ للآخرين لا كلمة تظلم قلوبهم أو عقولهم


ملقتش فعلا كلمه ممكن اوقولها تكون نور

ففضلت السكوت

Jana said...

ال جى ..بكرة فى لقاء وندوة من ندوات حملة حبا فى رسول الله فى اسكندرية ..فى رشدى ...لو ينفع تيجى كلمينى

المسجد اسمه مسجد الايمان الشهير بقدورة على ترام رشدى والميعاد خمسة ونصف ..ليتم التعارف لمدة نص ساعة حتى السادسة ثم تبدأ الندوة وتنتهى بصلاة المغرب

انا عايزة اشوفك

اول مرة ماعرفش اعلق

لكن عارفة ...رمضان قادم باذن الله وفيه النظرة الى حياتنا بتختلف ...نصبح أكثر زهدا ..وأكثر املا فى الوقت ذاته

يا ريت اشوفك بكره ان شاء الله

انتى عارفة اد ايه نفسى اشوفك حبيبة قلبى

ومتهيألى ده ممكن يحول لحظة الانكسار الى أمل جديد

سلام

ست البيت said...

ال جي العزيزة،،،،
ما ينغعش الكلام كده
ابعتيلي تليفونك وانا بعت لك قبل كده تفيلوني يا ستي على الميل

الانكسار حلة الوحيد الاندماج في مجتمع بتحبيه
ما ينفعش تسيبي نفسك وحيدة
لازم تروحي تشوفي جانا
كلميني نتفق كلنا على يوم نخرج فيه قبل رمضان
وفي رمضان لازم إن شاء الله نشوف بعض
نتقابل في كل مسجد يوم
كده الانكسار يبقى سراب ويحل محلة اهتمام واندماح يا اما يتحول انهزام
وانتي مش ال جي مهزومة
انت ال جي يعني اشهر شركة اجهزة فيكي يا مصر
دعي الكآبة والأسي واسترجعي مرح الفتاة
قد كان وجها مشرقا في الصباح فليكن كذلك في المساء
بحبك في الله ولو عاوزة تعرفي انت قيمتك قد ايه ؟
بوصي كويس على التعليقات من يوم ما فتحتي المدونة
بصي في الميسد كوولز اللي بتجيلك
بصي كام وحيد فينا بقلق لما تزعلي
بنحبك في الله
دمت بحفظ الرحمن

Empress appy said...

مش قولت لكى لازم اجيلك
عجبك كده القلق اللى بتعمليه لنا والله هاخد اجازة واجيلك

a Dreamer with feet on the Floor said...

Dear LG..

We R living in the Land of the Dead dreams.. that is Our destiny.. that we became a dead Nation..that accept 2 B mistreated.. so..
my advice 2 U ..if I have right 2 ..is 2 build Ur own world..
make a plan 4 urself...goals U can achieve..start Reading... read in any topics U like..
and Try 2 find the Fields U can share in..If Iam not married...I would have proposed,,but ..4 sorrow..who can support 2 houses ..now..smile pls..

الربان said...

تحياتي

أختي في الله...يعز علي نفسي ان اري انسان منكسر...فما بالك بأخت في الله
عرفتها من خلال كتاباتها و تعليقاتها..

أري ان هكذا هي الحياة...وان بداخل كل منا لحظات للانكسار....لكنني اري أيضا اننا نحن من يجتاز هذا الانكسار
او لا يعطيه الاهتمام او التركيز...حتي
نجتازه بسلام...

نشعر احيانا بلحظات انكسار في عملنا
و في علاقاتنا الاجتماعية المختلفة...
يمكن مما يزيد هذه اللحظات ( لحظات الانكسار ) الحياة التي نحياها بظروفها
الصعبة...و ضغوطها المتتالية.

العمل...الحب...الزواج...الامومة...
ليست نهاية المطاف...بل هي بداية للحظات أخري من الانكسارات....و التنازلات...

ارجوكي...انظري الي النصف الاخر الممتليء من الكاس....
أنظري الي ما حباك الله به من خفة ظل
من عقل سليم حكيم يزن الامور و يفرق
بين الخطأ و الصواب....انظري الي ما متعك الله به من صحة قد لا تكون لدي الكثيرين....
اخيرا و الاهم ...أنظري الي علاقتك بالله
انك تعرفين ان لك رب واحد احد...بينما غيرك في غيابة الظلمات...
انظري الي نفسك اللوامة التي تمنعك عن
اقتراف الاثم او سوء...بينما غيرك استسهل
الاثام....

ان الحياة بكل ما فيها من لحظات سعيدة
و من ساعات انكسار هي نعمة من الله يحسدنا عليها من غادروا الدنيا الي الاخرة....فلنغتم الحياة لنكون الاكثر
قربا من الله...و الاكثر حبا لله.


اعتذر عن الإطالة....و ادعو الله ان ينفث عنك ما أنت فيه...و ينير بصيرتك
و قلبك بقبس من نور وجه الكريم...وان يحقق لك ما تتمنين...انه ولي ذلك و القادر عليه.

تحياتي و تقديري

Shimaa Gamal said...

عزيزتى إل جى

مش عارفة أقولك إيه ، كل واحد فينا بتيجى عليه لحظات أحب أسميها لحظات يأس مش إنكسار . الدنيا فيها بتتصبغ إسود . من حقنا نكتئب بس حق نفسنا علينا إننا نعرف إن السواد ده له أخر . و إن بكرة يوم جديد، و نور جديد . و إن كل ليل و له أخر .

أنا شايفة إن معظمنا بيضيع عمره علشان مستقبل أحسن و بينسى إن المستقبل مش موجود وزيه زى الماضى تمام الحاجة الوحيدة اللى نملكها هى النهاردة

النهاردة لو من غير شغل و حب و جواز و أمومة لسة فيه أهم حاجة . إنت

الحياة صدقينى مش بالجواز و الأمومة و الشغل و الإنشغال فى السباق المحموم اللى الناس ملهية فيه . الحياة بلحظات إنتصار صغيرة قوى إحنا بس اللى بنشوفها و بنحسها .

إفتحى عنيكى على الدنيا هاتلاقى إنك عندك من اللحظات دى كثير . إبتسامة رسمتيها على وش حد . واحد تايه وصفتيله عنوان ،موضوع كتبتيه ، طبخة حلوة أو حتى لحظة ندم على حاجة غلط سبتيها .

لما تجمعى الحاجات دى كلها هاتلاقى نفسك عايشة و عيشة أحلى من اللى ناس كثير عايشنها . ناس عندهم كل الحاجات اللى إنت مستنيه بكرة يجيبها . لإنهم برضو متسنيين بكرة يجيبلهم حاجة .

كوارث said...

ربما يموت كل شيء وما دامت الروح حية فأنت مسئولة عن محاولات اعادة الحياة لبقية الانحاء وان تبذلي قصارى جهدك في هذا
من يدري
كل موت تعقبه حياة

L.G. said...

عزيزي محمد الكومي
المشكلة انها انكسار بدون انتصار ولا فتحية حتى
دمت بخير

==========================
رحيل
كلمات عنقود نور سواء ايجابية أو سلبية اكتبي وخلينا نحكم
دمتي بخير

==========================
جنى
لالالالالا
لقاءات المساجد تؤدي للقاء مع أيمن نور نلتقي في الشوارع أفضل :))

======================
ست البيت

عزيزتي اين الايميل المذكور وازاي الميل بتاعي مش عندك ومش منشور بعتي تليفونك لمين يا جميل !!! مش ليا على فكرة ايميلي محدود عدد من يعرفونه أصلا

الانكسار حله الاندماج ممكن بس المجتمع حولي فاسد والبعد غنيمة
جانا مزوغة مني ياريت ايدي على كتفك ونتقابل بعد رمضان أو في الصلاة ياريت نجتمع على طاعة تبقى حاجة جميلة

التعليقات تبقى قولي كلام غير ده أغلب مواضيعي صفر والميسد كول
حدث ولا حرج واحد في المليون :))))

دمتي بخير

L.G. said...

ابي
من زمان مستنية تيجي مبتجيش شفتي بأه انت السبب يا مرجان :)

دمتي بخير

============================
الحالم على الارض
عودا حميدا سيدي لا تحرمنا من تعليقاتك حتى لو توقفت عن التدوين

لا سيدي جنة من غير ناس ما تنداس
لا أريد أن يكون لي عالم بمفردي ولم أستطع تحقيق أي هدف لقصور مني أو لظروف خارجة عن ارادتي
القراءة
حرام كفاية والدتي أطلقت على دودة كتب من اعدادي لقد قرأت مكتبات كاملة في كل المواضيع كفاية هو جبني ورا الا القراية
لأ ضحكت
شكرا على عرض الزواج الممنوع من الصرف :)))))))
don't fall in love with a dreamer

عودا حميدا لعالم المدونات
دمت بخير

L.G. said...

سيدي الربان

دمت بكل خير وفي أحسن حال وسلامة أخيك مرة أخرى

عن نفسي أحسد الموتى على رقادهم بعيدا عن الفتن سأوضح تلك النقطة مرة أخري في موضوع عن كتاب

أشكرك على كلماتك ودعواتك واسأل العلي القدير أن يجعل لي منها نصيبا
شكرا لك

============================

شيماء جمال

مدونتك اعجبت ربات البيوت جدا بتاعة الأكل ليتك تكثري من الكتابة فيها
كل ما ذكرتيه أوجه مساعدتي للغير ولكن من يساعدني أنا لقد كللت من الاعتماد على نفسي وأريد الراحة ولو لهنيهة
الفكرة في وقف الحال والركود
التغيير مطلوب في الحياة لكي لا تسأميها

اشكرك على مداخلتك
دمتي لي
===================================

كوارث

مرحبا بك أعجبتني فكرة النقد لبعض موضوعات المدونات فيها حراك أدبي جميل

نعم مازلت أحاول ولكني خارت قواي .. أشكرك على مداخلتك

============================
أشكر كل من كتب كلمة للمساندة شكرا جزيلا وأثابكم الله وأعتذر عن التأخير في الرد أو كتابة مواضيع جديدة لوجود الطيور المهاجرة حاليا
انتظروني قريبا

أشكركم

منى said...

ها الطيور المهاجره
مشغوله بيهم
طيب الحمد لله
مش رضه معاهم احيانا بتحسى بالسعاده؟؟
تعرفى بحس ان السعاده دى حاجه جوانا لما تقدر نخرجها بنشوف كل حاجه جميله
ولما تتخمق جوانا سواء بايدينا او بايد غيرنا
بنبقى مش قادرين نتنفس وكان حد حاطط حجر على قلبنا
ربنا يزيح عنا احجار الهم
تحياتى وحبى

منى said...

ال جى
انتى كل شويه بتختفى فين؟
كل عام وانتى بكل خير

asforelganna said...

كلنا بيحدث لنا لحظات انكسار المهم اننا نقوى بعدها مش نضعف. كلنانفسنا تبقى حياتنا فيها زوج وأبناء لكن مش هنقعد نستنى ده يحصل لازم الدنيا تمشى لغاية مربنا يسهل فرجه قريب إن شاء الله ربنا يفرح قلبنا جميعا.

L.G. said...

عصفور الجنة

لا خلاص أنا اتفشفشت

L.G. said...

4 سنين عدوا ومازال الحال هو الحال