Monday, October 6, 2008

163) يوم العزة ..يوم الكرامة



يابلادي يا بلادي أنا بحبك يا بلادي يابلادي يا بلادي أنا بحبك يا بلادي

عشان مصر تعيش أغلى الناس بتموت من فيلم العمر لحظة

كلما سمعت تلك الكلمات مازلت بعد المرة الالف أبكي حباً في مصر مع حتى وإن ضاقت علىّ الحياة فيها وتعبت منها

هل فكرت يوماً بزيارة بانوراما حرب أكتوبر هي في طريق صلاح سالم قريبة من العباسية .. من الاسكندرية ذهبت وذرتها في اليوم السادس من أكتوبر

يوم من كام سنة فاتت

كنا ننتظر قدوم مدرس اللغة العربية ونحن متخوفون منه كالعادة فهو رجل ضخم الجثة أجش الصوت عديم الابتسام
ودخل الفصل قائلاً : صباح الخير
صباح الخير يا أستاذ عبد الخالق
أتعلمون تاريخ الغد ؟
نعم سيدي السادس من أكتوبر
اليوم الحصة تعبير ( إنشاء ) عليكم بكتابة موضوع عن حرب أكتوبر المجيدة ولكن قبل ذلك سأحاول فتح آفاق لكم لتكتبوا عنها لأنكم لم تعاصروها .
نعم سيدي كلنا آذان صاغية
..
وبدء المعلم يحكي لنا عن قصته مع حرب أكتوبر حيث أنه كان من الجنود فيها واسترسل معنا في الحكي حتى انتهت الحصة أتريدون أن تعرفوا ماذا قال لنا ؟

بدء المدرس القصة قائلاً أتعرفون يا أولادي ما هو خط بارليف .
رد أحد التلاميذ نعم يا سيدي هذا الجبل من الرمال .
إجلس يا ولدي
لا يا أولادي خط بارليف لم يكن الجبل الرملي الذي تشاهدونه في الأفلام فقط خط بارليف يطلق على المانع للقوات المصرية من العبور وهو كان يتكون من الساتر الترابي تليه أسلاك شائكة ثم حائط به فوهات للمدافع والبنادق يختبئ وراءه العدو الصهيوني .
كانت صعوبة العبور في تخطي المانع المائي ( القناة ) بدون أن نحترق بالنابالم وهي قنابل حارقة مزروعة بطول القناة ولكن تم ابطالها من قبل القوات الخاصة أو الكوماندوز قبل العبور وبعد ذلك بدأنا بعبور الساتر الترابي وبعده الأسلاك الشائكة ثم وقفنا لمحاولة عبور الحائط المعدني لنستطيع فتح بوابات فيه لبقية الجنود تلك كانت مهمة مجموعتنا ولكن ... كلما حاول أحدنا العبور تلقفته فوهة المدفع الموجه ومات على الفور وكان الموقف حرج والأنفاس تتصاعد والوقت يمر وعلينا فتح البوابات من الداخل . ونظرنا جميعاً لقائد الوحدة بنظرات قلقة ماذا نفعل ... وكان رد قائد الوحدة سريعا و بدون كلمات ..وجدناه يقفز بجسده على فوهة المدفع الذي يترصدنا ويشير بيده لنا للعبور وهو يلفظ أنفاسه الطاهرة الأخيرة حباً في مصر وحماية لفرقته ودلفنا سريعاً وفتحنا البوابات من الداخل تمهيداً لإقتحام القوات المصرية لخط بارليف
.

وانتهت الحصة ولكن
اليوم وبعد سنين من ذلك اليوم مازلت أتذكر مدرسي بالخير وأدعو له فهو دافع عني وعنك وعن كل مصري ولد بعد ذلك اليوم بسنين ..
تحية لكل جندي دافع عني وكل شهيد ضحى من أجلي تحية للسيد يوسف صبري أبو طالب والمشير أبو غزالة رحمة الله عليهم تحية لعبد السلام المحجوب أو الريس زكريا في مسلسل دموع في عيون وقحة رجل المخابرات الذي يفتقده كل سكندري ً

تحية لمعلمي أستاذ اللغة العربية عبد الخالق وقائد وحدته ودعوة أتمنى أن تلقى لدى كل من تصله قبولاً بتوثيق حكايات أكتوبر كتابة من معارفه من المحاربين القدامى رجاء لا تتركوا تاريخ الكرامة يندثر من بين أيدينا بدون أن نحافظ عليه وننحي له احتراماً وتقديراً
ولا تحسبن الذين قتلوا في سبيل الله أمواتاً بل أحياء عند ربهم يرزقون
سورة آل عمران

7 comments:

Alkomi said...

يا سلام

بابا الله يرحمه مواليد 6 اكتوبر

يعني يوم تاريخي

سنة 1952

يعني سنة تاريخية برضه

انا لسة حالا حاطط اغنية بسم اله عالبلوج

لان الله يرحمه كان يحبها جدا و كان بحفظهالي و انا صغير

romansy said...

والله بجد الحرب دى عمرها مش هتتنسى ابدا
دى فيها الشهداء ضحوا بانفسهم عشان الارض دى ولازم دلوقتى ييجى دورنا اننا نبقى زيهم كده
عندهم اصرار على النصر مهما مرت السنين
بوست هايل
اشكرك عليه

L.G. said...

محمد الكومي

ايوة واغنية وطني حبيبي بس دلوقتي نقول ايه يا ترى ؟

========================
رومانسي

زمان كان العدو معروف وعداوته ليها سبب دلوقتي العدو منا فينا تفتكر نحارب ازاي وبانهي سلاح ؟؟

منى said...

موقف رهيب لما القائد رمى نفسه على فوهه المدفع
يا الله
خلانى وقفت مقدرتش اكمل قرايه غير بعد
مع عملت شويه حاجات كده
تعرفى نفسى اشوفه فى الجنه
يارب اوعدنا جميعا
كل اكتوبر وانتى طيبه على فكره انا من مواليد اكتوبر بس مش 73

منى said...

انا جيت تانى عشان اقولك ان مبسوطه ان الحاله النفسيه بتاعتك
smile
تعرفى كل لما اجى هنا ببص عليها
يارب دايما سميل

رحــــيـل said...

بجد الواحد لما بيسمع عن مواقف الناس دى فى حرب اكتوبر

بيستغرب لحاجه مش برضه ناس الوقتى هما تربيه الناس دووول

هما ولادهم واحفادهم

طيب ليه بقى الحال اللى وصلنالو ده

ربنا يهديى يارب ونعيد امجادنا

L.G. said...

منى العزيزة

كل عيد ميلاد وانت بخير يارب
على فكرة أحياناً مببقاش مبتسمة ولا حاجة بس بكسل أغير الصورة :))


================================
رحيل

أصل ساعة الجد أحسن ما في الناس بيبان وفي الأوقات العادية أحياناً الناس مبتهتمش الحرب محك شديد لما تكون الحياة والموت متجاوين أكيد تصرف الشخص حيختلف عن وهو قاعد على الكنبة وأحيانا بيبفسدوا كمان طب ما اللي بالي بالك كان في الحرب قرفنا ليه ؟؟؟