Friday, October 31, 2008

ترقبوا


ترقبــــــــوا


بدأ العد التنازلي ليوم ميلادي يوم 4 نوفمبر

لذا عندي فكرة كل واحد يقول
طبعا الناس اللي عارفين المعلومات الشخصية بصفة رسمية مني ميقولوش انا قصدي التخمين ممن لا يعرف بس طبعا يجاوبوا على الباقي هنا في التعليقات محدش ياخد التاج ويجري على مدونة ماشي وحعمل تحكم في التعليقات عشان محدش يغش من اجابة التاني
ده تاج بس تاج محدش حيخده مني
تحديث هااام جداً
متخيلين عندي كام سنة ؟؟؟
1- متخيل اسمي ايه

2- شكلي ايه

3- خريجة ايه

4-أحسن حاجة قراها في مدونتي ايه

5- يصنف مدونتي في كلمتين وبس بإيه

6-اذا وصف انطباعه عن شخصيتي في كلمتين وبس يقول ايه

7-لو قيم مدونتي من واحد لعشرة يديني كام ؟

زاد عمري سنة

ونقص من عمري سنة

طبعا منستش آخر الحصاد حكتبه بعون الله قريب

تحياتي

17 comments:

romansy said...

اولا كل سنه وانتى طيبه
4/11
Happy Birthday
دا كمان يوم عيد الحب
Happy valentine day
يعنى احنا كده عندنا عيدين مش عيد واحد
وانا هتحفل باليوم دا فى مدونتى بس كده الاحنفال بقى لمناسبتين مش واحده
تسمحيلى اجاوب على التاج

متخيل اسمي ايه
مش سلوى
مش ايمان
مش رحيل
ممكن ملاك

شكلي ايه

انا قلت ملاك هو الملاك بيتوصف

خريجة ايه

انتى بقى جوابتى على السؤال دا فى البروفيل
ممكن تجاره انجليزى

أحسن حاجة قراها في مدونتي ايه
الصراحه انا من بدايه ما عرفت التدوين وانا بدخل على المدونه
عجبنى قوى اربع مواضيع
يوم العزة ..يوم الكرامة
حصاد السنين 2
لحظة إنكسار
البنيان المرصوص

يصنف مدونتي في كلمتين وبس بإيه

مدونه شامله الحياه
اذا وصف انطباعه عن شخصيتي في كلمتين
وبس يقول ايه
من خلاص القرايه ليكى
انسانه مخلصه للصداقه جدا
حساسه
محيره
7-لو قيم مدونتي من واحد لعشرة يديني كام ؟

هتديها 8/10
لانك انسانه محيره

Alkomi said...

طيب يا ترى ليه هتخيل شكلك طالما فعلا انا بحب اقرالك انا ممكن اتخيل مستوى الثقافة

دماغ اللي بيكتب الكلام ده عاملة ازاي و هكذا يعني

عموما

كل سنة و انتي طيبة يا ال جي

Anonymous said...
This comment has been removed by a blog administrator.
a Dreamer with feet on the Floor said...

Happy Birthday.. may Allah ..bless Ur Life.. and get U and us out of the Depression.. we face now..
wish U .. happy.. and long life..
I guess.. Blogs.. R so so Individual... as U classified them.. Their R . Political.. social.. religious..
so.. the Exact .. Assesment will B so varied According 2 the background of the one who assest..
But 4 Me..
I like 2 Read U as I feel we R having the same Mood..
so I give U 7...
may B next Time It will B 9.. so.. eshatari Ba2aaa??!!

رحــــيـل said...

طيب واللى عارف يعمل ايه

كنت دايما متخيله اسمك

اول حرف منه لام
ههههههه
عشان الى جى يعنى

شكلك

كنت متخيلاكى جد جدا

ههههه
طلعت اوت


انا احسن حاجه بقراها ليكى
اى فضفضه وتهيس

بس بقى كفايه كده

هكمل باعدين

كل سنه وانتى بخير دايما
ومع بعض كلنا

Anonymous said...

السلام عليكم

كل عام وانتم بخير وان شاء الله يديم عليكم وافر الصحة والعافية

الاسم، حتما يبدا بحرف اللام
الشكل، أكيد مصرية
الكلية، ربما كلية التجارة أو الآداب
أفضل ما قرأت في مدونتك هو حصاد السنين وكذلك اكتئاب
وصف للمدونة: عندما تتحدث العاطفة
وصف للمدون: شخص حساس وحزين
تقييم للمدون: تسعة من عشرة

بالمناسبة: عدد المدونات التي أتابعها يوميا لا يزيد عن عشر مدونات، وهي فعلا لأشخاص يعرفون متى يكتبون وماذا يكتبون ولمن يتحدثون وهذه المدونة هي احدى المدونات العشر التي يتحدث كاتبها بصدق، أملا أن يتعلم الآخرون منه شيئا مفيدا، ربما حتى دون أن يشعر الكاتب بذلك

دوما أقول لكل مدون محترم: ربما مر من عمرك سنة أو سنتين، لكن حتما ما كتبه قلمك يحتاج آخرون لعمر كامل ليكتبوا مثله

كل التحية وعذرا على الاطالة

Jana said...

أولا.. كل سنة وانتى طيبة .. وأهنأ بالا وأسعد حالا حبيبة قلبى

بغض النظر عن ما اعرفه عنك بصفة شخصية..حأحاول اجاوب مستحضرة مخيلة زمان قبل ماعرفك اكتر

1- تخيلت اسمك زمان جيهان مثلا او انجى ..ومتسألنيش ليه..بس بعد ما عرفت اسمك الحقيقى واكتشفت ارتباطه باسمك الانديان ..عجبونى الاتنين اوى

2- تخيلت شكلك أمورة ككل بنات المنصورة واللى حلاوتهم مشهورة..
:)))))))

3- برده قبل ماعرف وقبل ماخد بالى من البروفايل ..تخيلتك فلسفة ..او هندسة ..مع ان الفرق بينهم كبير اوى ههههههههههه

4- حاجات كتير اوى شدت انتباهى عندك وعموما انا اكتر حاجة بتعجبنى عند اى حد ..هى اللى تسيب اثر بعد قرائتها ..يعنى امشى من عندك وانا لسه بأفكر فى نتاج ما أثرتيه فى عقلى
واول حاجة جات على بالى دلوقت ..تدوينة اسمك الانديان ومنين جه اسم ال جى
وللاسف مش باعرف اضع رابط فى الكومنتس كنت حطيته عشان اللى مقراهوش يقراه..عجبتنى اوى برده تدوينة علم التصادم لأنى كان اول مرة اعرف المسمى ده واكتشفت فيها وجه شبه آخر بينى وبينك ..
وبشكل عام باحب التدوينات اللى بتحللى فيها تعليقات الآخرين ..لانك بتأكديلى انك بتقرى دايما باستيعاب واهتمام وانك محبة للتعلم دايما ومتلقية جيدة للنصيحة بعد اعمال عقلك واكتشاف اذا كانت النصيحة دى حتفيدك فعلا ولا لأ ..ودى طبعا زى فكرة حصاد السنين
وبشكل شخصى اوى ..لما أسميتينى جنى حبيبة عقلك ....أسعدتينى جدا برأيك فيا وقتها

5-..مدونتك فى كلمتين ممكن توصف بأنها ..قناعة صاحبتها حسب مودها اليوم

6- اممممم ..شخصية مودية بالرغم من التغير السريع لمزاجها الا انها تنجح دائما فى تثبيت ايمانها وعلى يقين من صلاح مبادئها
يعجبنى جدية المرح فيكى
:)

7- السؤال ده مينفعش يتسأل كده
لان دايما لازم مقياس نقيس عليه ومنه نعرف الدرجة ..يعنى مدونتك كسياسية ولا اجتماعية ولا كشخصية ولا اييه!!؟
عموما انا حأقيس من ناحية عاجبانى
مدونتك كمدونة تحليلية اديها 9 من 10

8- كنت زمان متحيرة في سنك.. عقلك يبدو كبيرا حكيما ومرحك يبدو صغيرا لطيفا...
:))))))

كل سنة وانتى أحلى ال جى
حتعزمينى فين بقى!!!!!؟؟؟؟؟

Jana said...

سورى يا ال جى ..ده خارج عن الموضوع
بس هى فين سلوى ..وليه مدوناتها مش موجودة
طب اللى عايز يكلمها او يتخانق معاها يعنى دلوقتى يعمل ايه
قوليلها ..مينفعش كده
وبعدين ده انا مصدقت لقيت حد بيحب الشخبطة زيى بالقلم الرصاص

عودى يا هاميس
قصدى يا سلوى
والا حنشارك ال جى فى موضوع التقطيع ده

شكرا يا ال جى على المساحة الاعلانية اللى ببلاش دى
انتى كل ده بتزوقى التورتة!!!!!!!؟

Anonymous said...

كل سنة وانت طيبة يا كريستال

1- متخيل اسمك ريم او مها
2- متخيل شكلك مش تخينة وبيضا ومحجبة وبتلبسي شرعي ، معرفش ليه
3- خريجة تجارة ، حعمل نفسي معنديش فكرة
4- حاجات كتيرة ، مفيش حاجة معينة
5- كلمات كريستالية
6- القلب مع العقل
7- اديها 7 من عشرة

العمر كله يا كريستال

L.G. said...

رومانسي
انا رحت مدونتك لقيتها كلها حب رجعت تاني :))
ماليش دعوة بالملايكة خالص صح تجارة بس عربي
فعلا الحاجات اللي نقيتها من احب ما كتبت
حلو 8 / 10 رضا

تحياتي

L.G. said...

محمد الكومي
دايما كنت بيبقى فيه تخيل عندي للناس اللي بكلمهم من غير ما اشوفهم طبعا انت مش عارف تتخيل عشان حتتخيل ملكة جمال مصر والسودان :)
ومردتيش على باقي الاسئلة ؟؟؟

وانت طيب

L.G. said...

التعليق الممسوح كان من غير معرف وكمان معرفش حسيته مش حلو فمسحته
====================
الصقر الجريح
مفيش فايدة زي المدرسين تنزل الدرجة وتحبط الطالب عشان يتشطر :( بصراحة عمري ما كنت بجيب 7 دي في اي حاجة

على العموم أشكرك ولك دعوات مثل ما قلت انا اكتشفت ان الرضى جوانا لأن مهما ربنا ادانا حنطلب أكتر المهم نرضى بالمقسوم
تحياتي

L.G. said...

سارة

يعني حلوة ولا وحشة ؟ مقلتيش طبعا انت احلى من التخيل ولو اني مكنتش اتعرفت على مدونتك قبل ما اعرفك بس اعتقد برضه انك احلى مما كنت ساتخيل

بتحبي التهييس ما ان شكلك جد بس وماله نهيس يا ريس :))

L.G. said...

باشمهندس الكومي
تحياتي على الدقة في الرد على الأسئلة لأني صراحة أفضل الدقة بشكل كبير

هو الاسم مافيهوش لام خالص وحكاية ال جي كنت حكيتها في تدوينة كاملة ده اختصار اسم هندي أطلقه علىّ مدير أجنبي
والشكل برضه مالوش دعوة بالمصرية خالص الصراحة يميل لشكل شعوب البحر المتوسط أكثر

كلية تجارة صح
استغربت ان اكتئاب أعجبك !!ده اكتئاب فعلا عندما تتحدث العاطفة لأني لا أكتب الا اذا شئ حرك مشاعري بالسلب أو بالايجاب
أيوة عندي حساسية زيادة ومن التراب كمان :)) والحزن متهيأل الشعب كله بقى حزين
التقييم من حضرتك 9/10 حسسني اني بعرف اكتب او بقول حاجة ليها معنى أشكرك
طبعا حبة الكلام الأخير

أخجلتم تواضعنا ويارب أكون كده يارب
وبالمثل من أهم المدونات القليلة التي اتابعها مدونة سيادتكم لجمال اللغة ونقاء الفكر وهدوء التوجه

تحياتي من افضل التعليقات التي حصلت عليها يوماً
أشكرك على استيفاء الاجابة

تحياتي وتقديري

L.G. said...

جنى
عودا حميدا انت بتستخبي مع المدارس ؟
الاسم وعرفتيه والشكل المفروض تشوفيه
وايه السجع ده الله يا ست :)))
طبعا كلامك كله حكم والله بجد عمالة تحليليني طبعا بشطارة ناتج عن تقاربنا تليفونيا عشان كده يمكن تعرفيني أكتر من كل الناس على المدونة

وفعلا المواضيع اللي اخترتيها من الحاجات اللي كتبتها وذهني صافي ونفسيتي مرتاحة

طبعا 9/10 منك أتمنى أن يكون عن قناعة منك واستحقاق يارب مني يارب

انا نفسي أصلا أشوفك اامري وحعزمك في اي مكان تحبيه بس أشوفك انتي عارفة اني بحب اشوف عنين الناس عشان أحكم صح :))))

حبي وتقديري

L.G. said...

جنى سلوى
طقت في دماغها ولغت المدونات يرضيكي بس هيا بتقول مخبياهم

شفت الجنان حوصلها انك في فريق التقطيع
:))

L.G. said...

اسماعيل
أهلا بيك وميزة كبيرة الالتزام مع الاختصار قليل منا يستطيع ذلك أنا أحارب لأختصر كلماتي مثلك :)

انت اخترت اسماء رقيقة معتقدش اني رقيقة كده الصراحة

كمان بدأت ازيد في الوزن :( بيضا وسمرا اختلف فيها الناس
محجبة أيوة صح بلبس شرعي أبقى كدابة بس بتمنى البس عبايات بس لسه
ولو ان ده جميل يعني عندك انطباع اني عارفة ربنا يارب ياريت أكون كده
يارب تكون المدونة كلمات كريستالية يعني نقية واضحة وياريت القلب مع العقل أتمنى بهما يقترب الانسان من الاكتمال

برضه 7/10 ماشي بس سبعة تخينة شوية

العمر لنا جميعا يارب في الخير

===============
أشكر كل من كتب تعليق هنا في تلك الصفحة أدام الله عليكم الصحة والعافية واعزكم جميعا

تحياتي وتقديري لكل زائر بالمدونة