Monday, March 23, 2009

173) الفيـس بـوك


نعم

أخيرا دخلت عالم الفيس بوك

لم أكن أحبه لأنه عالم مفتوح وأعرف أني شخصية تحب الخصوصية لأقصى درجاتها

نصحتني العزيزة جنى الجنتين بموضوع الفيس بوك لأنه سيزيد من انتشاري التدويني

ولو أن تأثير الفيس بوك على تدويني كان جذريا حتى أني غبت لمدة شهر كامل لا أكتب لأني أدخل على الفيس بوك

لا .. لا تظنون أني أصبحت مغرمة به ولكنه يأتي بجديد كل يوم

وأعتقد أني إذا وجدت لي حياة لأحياها لنفضت يدي من كل شئ يتصل بالتكنولوجيا

لو استطعت زيارة أقاربي لما كالمتهم تليفونيا

لو استطعت اللقاء الدائم بأصدقائي أو حتى كان لي عمل مهم لما نظرت نهائيا للتلفاز

لو وجدت من يحاكيني ويسامرني في المنزل لما جلست أمام شاشة الحاسوب نهائيا

نعم مثل قبائل التي عيش الحياة القروية القديمة اود أن أحيا

عذرا للإنقطاع عن التدوين ولكن السبب

الفيس بوك

كنت سأنسى أن أذكر لم شغفي به هذه الأيام

لأني فيه عندي مزرعة وحوض سمك وجنينة وهدايا من أصدقائي عالم وهمي يغيبني عن الواقع

خاصة المزرعة لأني من أمنياتي الموءودة أن يكون عندي أرض أزرعها وآكل من خيراتها

تحياتي ودمتم بخير

7 comments:

Alkomi said...

ازيك يا ال جي

طبعا فيس بوك نور بوجودك

حبيت بس اعدي و اسلم عليكي

البِـئرُ والظمّأْ said...

عايزة اقولك ان ده كمان سبب غيابي او تقريبا السبب اللي هيخليني اقفل اكاونتي على بلوجر

طبعا الفيس بوك اجدع
و احنا اندال
هههههه

بقولك ايه
لازم الاقيكي هناك

دوري عليا على
Zeinab Elragehy

بحبك يا بنوته


زيزي

Jana said...

يعنى انا السبب!!!!؟
انتى عايزة الناس تضربنى عشان سيبتى البلوج واعدة تلعبى فى المزرعة
:)))))

على فكرة انا لما نصحتك بدخول عالم الفيس بوك كنت اقصد التواصل بشكل اقوى مع البعض" من تودى فعلا التواصل معهم" وده مش متوفر على المدونات

الفيس بوك الى حد ما غير نظرتى فى البعض الى الأفضل و اتاح لى فرصة معرفة ما يجول بالفعل داخل رؤؤس البعض ولا يجد الفرصة للانطلاق على حائط المدونة
شفتى حائط دى!!؟
الفيس غير حتى من مصطلحاتنا التدوينية
:)

أسعدتنى جيرتك فى المزرعة وارشاداتك الفنية
والله يسامحك على الادمان الجديد
الا شفتى هو الكتكوت مش عايز يكبر ليه ؟
وسعر شجر الجوافة مش عاجبنى خالص على فكرة...بافكر ابيع المزرعة واخد حتة ارض فى الساحل الشمالى

welcome home

رحــــيـل said...

هههههههههه
انا كمان كنت سه بقول انى هكتب تدوينة عن مزرعتى واححط لينكها على مدونتى بما انها بيتى التانى بعد المدونة طبعا ههههه انا بقى عارفه انى مهما اغيب عن التدوين هرجع تانى لانه بجد عالمى الخاص الرائع

L.G. said...

ملك الكبدة
الكبدة خلصت من البلد وقفلت المحل ليه ؟؟؟؟
اشكر وجودك وأتمنالك التوفيق في الجامعة يارب
====================
سجل المزورين
ايه مين فين ؟
على كل حال شرفتنا
===================
زيزي
أجمل ما فيك يا زيزي بجد اني بلاقيك على المدونة لما بقول في نفسي هي نسيتني خلاص ومبتجيش بلاقيك قدامي
تواجدك أثلج صدري
أنا مش معاك المدونة بيت أصيل والفيس بوك شبه الفندق مش بيت ومحدش يقفل بيته يا بنتي ويروح الفندق اتفقنا وطبعا حدور عليك وانكش في الفيس بوك لحد ما الاقيك
=======================
جنى
إنت السبب يا قلبي يا قلبي
العرض عرض اوعي تبيعي زي الحكومة ما ودرتنا يا بنية
اياك وبيع الأرض
=======================
رحيل
وتبعد جوانا الشطوط وأفتكر وقت المغيب جملة من أغنية لأحد زملائي أيام الجامعة كان اسم الاغنية رحيل
فكرتني بيك دلوقتي
جيالك نحصد سوا

========================

نبراس العتمة said...

مرحبا بك في دولة الفيسبوك

أنا أيضا كنت قد انخرطت في عالم الفيسبوك مند مدة، لكني لم أعره كل وقتي لأنه متشعب أكثر من اللازم ويجعلك لاهتا دائما وراء عدد لا نهائي من الأصدقاء
يمكن أن أشبه التدوين بالقرية حيث تعرف الناس ويعرفونك
والفيسبوك بالمدينة حيث تعرف الناس لكن علاقتك بهم عابرة وسريعة
مودتي الممتدة من التدوين الى الفيسبوك

L.G. said...

نبراس العتمة
تحياتي وكيف حالك
نعم وانا أفضل القرية عن المدينة ولكن مع صخب المدينة تسير مع التيار لا تفكر في القرية او المدونة ترجع لترى حال الامة والدول وهو شئ مجهد نفسيا لذا آثرت الابتعاد قليلا

اشكر مرورك
تحياتي