بما إن عيد ميلادي السعيد يوم عيد الحب العربي بتاع مصطفى أمين رحمة الله عليه كنت دائماً وأبدا أنتظر ورد في يوم عيد ميلادي ولم يحدث يوما حتى جاءت إحدى جاراتنا ربنا يكرمها جايبة لي وردة بلدي بمبي جميلة السنة اللي فاتت قالتلي السنة الجاية إن شاء الله تيجي من حد تاني
برضه مفيش ورد.. أيام الجامعة كنت أقعد أضحك لأن الكلية كلها ورد وأنا أصحابي هاريني دباديب .. مرة أحد زملائي جابلي شيشة صغيرة خشب ومرة واحدة صحبتي
جابتلي جيتار على ترابيزة بيلف ويعمل موسيقى وفيه درج للمجوهرات وشفاف جميل بس ماجاش الورد خالص
الشباب يرحل مودعاً ويبتعد سنة تلو الأخرى
أحلى ماسج من بنت خالتي في سنة من السنين الساعة 12 وثانية واحدة
أحلى هدية هدية صحبتي دي
أكتر كمية من أختي الحبيبة 3 هدايا أباجورة عشان القراية ومج ورد وقطعة كريستال مكتوب عليها الله
أحلى مكالمة من أحد المهندسين بالشركة التي كنت أعمل بها من الخارج يقول كل سنة وانت طيبة لأني كنت دايما بقوله على أعياد ميلاد العاملين لحد ما زهق مني
أحلى سنة من غير كلام 21
أحلى مكان الأقصر وأسوان
أحلى حاجة اني بنت ماما ربنا يخليهالي
أول عيد ميلاد مع المدونة لقيت اني مش مبسوطة قلت أفتكر أحلى حاجة
7 comments:
أحلى حاجه
إنك عملتي مدونه
واتعرفنا عليكي
كل سنه وإنت طيبه عزيزتي
هو ممكن أقول الاسم عادي ولا دي أسرار
تحياااااااااااتي
بلاش الاسم أنا قاصدة عدم اظهاره
كل سنه وانتى طيبه
والسنه الجاية تكون معاكى الاعدادية
هههههههههههه
أول مرة في حياتي أشوف بنت من العصر الحديث مش الوردة عنها من كل تلك الهداية (الغالية) معلوماتي عن البنات اهتمامهم الشديد بالمادة وتقديرهم لها
ربنا يكتررررررررررررررررررر من أمثالك وأنا أهريهم ورررررررد
أول مرة في حياتي أشوف بنت من العصر الحديث الوردة عندها أحسن من كل تلك الهداية (الغالية) معلوماتي عن البنات اهتمامهم الشديد بالمادة وتقديرهم لها
ربنا يكتررررررررررررررررررر من أمثالك وأنا أهريهم ورررررررد
عزيزي المدرس المطحون نورت المدونة بجد والله ولو انك طيب خالص الوردة جنب الهدية طبعا شغل عيال الوردة كناية عن الحب بس طبعا لو خطيبي جه في عيد ميلادي بورد بس حقول بخيل
شفت زيي زي كل البنات
نورت المدونة تاني
هو حضرتك ما لاحظتيش انى قلت كل سنه وانتى طيبة
عموما بسيطة يا ستى
راح اعتبر نفسى ما قلتهاش
راجعى التعليقات وهتعرفى
Post a Comment