Anonymous said...
هو حضرتك ما لاحظتيش انى قلت كل سنه وانتى طيبةعموما بسيطة يا ستى راح اعتبر نفسى ما قلتهاش راجعى التعليقات وهتعرفى
Anonymous said...
تورته وشمعة وهوف راح توحشنى مدونتك لان ده اخر تعليق لى هناعلشان كده مش عايز اسمى يظهر تانى
بسم الله الرحمن الرحيم
جاءني هذين التعليقين على بوست رقم 33/34 أيام عيد ميلادي صاحب التعليق لم يرد ذكر اسمه وعجبي ليه معرفش .. كمان عايز يسحب دعوته بتاعة كل سنة وانت طيبة ماشي وماله وعجبي برضه
طبعا لو لاحظ هو كل اللي قلي كل سنة وانت طيبة بقول في سري وانت طيب مش لازم أكتبه كتعليق وطبيعي أنا بدعي لكل الناس وربنا يعلم
أعتقد ان صاحب التعليق الباحث عن الحقيقة لأن هو وسلوى والمدرس المطحون بس اللي ليهم تعليق في نفس البوست ولو إن الباحث عن الحقيقة في الجيش على حد علمي وكلنا في جميع المدونات مفتقدين تعليقاته
مش معقولة سلوى
وكمان المدرس المطحون
معتقدش اني زعلت حد في حاجة خالص
على كل الأحوال من المفروض لما حد يزعل من حد يوضحله ليه أيوة عندي بلورة سحرية بس للناس اللي عرفاهم في الحياة بس
أنا مش فاهمة حاجة ليه زعل ليه مش عايز نعرف هو مين ليه مش عايز يزور المدونة تاني ؟؟؟ فيها حاجة وحشة ؟
الله أعلم
بس يا أصحابي وصحباتي هنا ومحلك سر
خلاص
أنا تعبت أفهم وتعبت من الناس وتعبت من الحاجات اللي بتضايقني بجد
عشان كده خلاص قريب حقفل الدكان خالص أو على الأقل حكتب وأقفل التعليقات من أصله
ولهذا الشخص أيا كان كنت أرحب بكل الناس واذا لم يرد أن يكون ضيفا على مدونتي له كامل الحرية وأحترم قراره والرجل تدب مطرح ما تحب وربنا يوفقه لمدونة أفضل من مدونتي
أستودعكم الله استنوني بأه لما أتوازن تاني
مش عارفة الناس بتضايقني ليه
اللهم أشكو اليك ضعف قوتي وقلة حيلتي وهواني على الناس
ان لم يكن بك غضب مني فلا أبالي
ودمتم
7 comments:
عزيزتي
خفت تبعدي كتير فقلت اخرج عن صمتي واقولك وحشتينا
تحياتي
يابنتى اكتبى وميهمكيش غيرك
انتى بتكتبى لمين للناس ولا ليكى
كبرى دماغك
خالص تحياتى
السلام عليكم ورحمة الله وبركاته
لما سلوى والباحث والمدرس المطحون قالوا لحضرتك كل سنة وانتى طيبة رديتى على سلوى ورديتى على المدرس المطحون وتركتى اللى فى النص ..شفيق يا راجل
اظن بقى من حقى اتضايق ولا انا يا اخوانى ياللى داخلين تقولها كبرى دماغك معنديش احساس مثلا ولا ايه
الحقيقة انا تضايقت لان تعليقى كان قبل المدرس المطحون فاعتبرت عدم ردك تجاهل منك وده دليل ياما انا ردى ما عجبش حضرتك او انك شايفة انى لا استحق
اسف يا اخت ال جى
اسف لانى انسان حساس اوى كده
انا رجعت من الجيش امبارح وكانت مدونتك من القلائل اللى زرتها وجيت بعد شهر غياب علشان اشوف حضرتك رديتى عليا ولا لأ
كمان مره مش هكتب اسمى وهيفضل باسم مجهول لان قرارى ده نهائى
وشكرا على كل حال وخالص اسفى لازعاجك
مع تمنياتى بدوام التوفيق
Dear...LG...why we Personalize every thing....///each of us needs 2 let His thought B free ..go out ..touch the sky..
so...do not B angery...some times I read posts ..but I do not Comment..either as I read some commentes say what I wanted 2 say..so I do not want 2 repeat..or simply I am in a badd mood ..so I do not want 2 give bad Comments,,or unstable ones..
any way...we R Colleague at the club...
B good..Best Regardes
الأمر بسيط يا شباب
ما تكبروش الموضوع
الإخوات بيحصل دايما بينهم سوء تفاهم
وبعدين أنا شايفه إن ده عتاب مقبول منكم أنت الأتنين
والمسأله كلها مش مستاهله
المفروض إننا أكبر من كده
تحياااااتي للجميع
استعنا على الشقا بالله
إخواني ومن موقع صاحب البيت بقول منورين قعدة الصهبجية وبجد حتجننوني بمعني المواضيع المهمة محدش بيعبرني وببقى بجد نفسي أسمع رأي وفكر جديد عشان أنا كمان أفكر وأستنير ولما أأبقى زعلانة وبس ألاقيكم حواليا المهم طقم نسكافيه من الاستراحة بأه على حساب صاحب الليلة دي
أولا مين الانسان المقيد ده ؟ ربنا يفك قيدك وتبقى حر طليق وخلي بالك لأحسن تتضرب في مدونة كلام بنات ايه وحشتينا دي عيب بس شكرا والمرة الجاية تقول انت مين سعاد حسني قالت كده
===============================
رحيل مكدبش عليكي أنا بكتب للناس مش ليا عشان كده بزعل نفسي الناس تتقدم لقدام وتتحرك لأني بحبهم مسلمين ومسيحين مصر يعني مصراوي أو عربي أو مسلم أي صفة من دول كفيلة اني أحبهم وأهتم لأمرهم ودماغي كبرت لحد ما بقتش تطلع من باب البيت :)
=================================
غير معرف يا جماعة أخوانا الباحث عن الحقيقة
كفارة مسامحاك راجع من دهشور لا مياه ولا نور ولا أكل معلش
أولا في مدونة يا مسافر وحدك اتريقت عليا وسكت وقلت حرام نيته طيبة استني وشوفي وبعدين قلت حرد عليكي لما أرجع وده بعد عيد ميلادي لذا افترضت عدم وجودك مبدئيا وكمان قلت السنة الجاية تاخدي الاعدادية اتضايقت ومردتش افتراض حسن النية انك بتهزر ولو اني مبفهمش والله يا جماعة في الهزار
ومع افتراضي حسن النية كنت لسه حكتب بوست اني مفتقدة تعليقات الباحث عن الحقيقة لأنه دايما له فكر جديد وكذلك عصفور المدينة وحكاية الرد دي وضحتها مع كل ذلك كتبت تعليقين ما تقول زعلان مردتيش ليه وخلاص كنت وضحت لكن انت زعقت وزعلت وخت قرار كده
يا عزيزي كل انسان يستحق التقدير والمراجعة وعلى فكرة اعتبرني أختك الكبيرة وحسامحك وركز على الكبيرة دي يمكن عشان كده فيه بنا اختلاف شوية
المدرس المطحون كان أول مرة يعلق وكان لازم أحيي وجوده لكن انت كنت من الأقارب المترددين على المدونة
سلوى بينا كلام خارج المدونة عشان كده الرد لا يتعلق بالتدوينة فقط
على العموم اسمك أنا حعرفه وحقول للناس عليه وحتزورني أنا عارفة والمشاريب على حسابك لحد الليلة ما تخلص بس بالله عليك احسن الظن بالناس وزي ما نت حساس غيرك حساسين برضه علق حكمك على الأمور الحياة قدامك لسه طويلة
رد أهه طويل ابسط يا عم بأه
سلوى
طبعا الدنيا أكبر من كده خلينا نبص للبلد يا جماعة واللي يزعل من حده يقوله عشان يقطع الشك باليقين
==================================
على فكرة أنا والله مش زعلانة من الباحث أنا زعلانة عشانه ممكن يفقد ناس بتحترم رأيه لمجرد انه زعل وخاصم بدون بينة أنا بزعل ان الناس بتزعل بعضها وخلاص لازم نركز على الأمة مش على نفسنا عن نفسي شفت من الدنيا كتير وتعبت اعذروني خلاص مفيش عندي مكان لحزن أو ضيق زيادة ولو عالم المدونات حيجيب زعل حسيبه وأمشي
================================
عزيزنا الصقر الجريح
فين كتاباتك ؟
بي جود حسستني اني في المدرسة بس والله يا أستاذ أنا جود وربنا يعلم ومش بشخصن المسائل على العكس
الباحث عن الحقيقة شاب واعد بس مع التحفظ كلكم لي شخصيات في عالم النت أنا بخاف على البلد بخاف على كل شاب زيه نفسي الناس تفكر وتتعمق ومتضيعش أفكارها ووقتها وتستفيد وتفيد
طبعا كل ما قلت عن التعليقات حكم يعني بوست الطائر الحزين حضرتك كتبت كل كلمة في عقلي وقلبي ربنا يعلم بس عن نفسي خلاص جبت ضلفها واليأس ده جميل راجل محترم قاعد جنبي متونسين ببعض مع ذلك لم أعلق لأني وجدتك استوفيت الموضوع
وبعدين انت شايفني الغلطانة خليه يشتريلي نسكافيه هو الغلطان
يعني لو واحد صاحبه ماشي في الشارع عدى من جنبه وسرحان مشافوش يقوم حدفه بطوبة ميمكن صاحبه عينه وجعاه مثلا ينفع الكلام ده
شرفتوني ويا جماعة كلكم كبير وصغير راجل وست أنتم لي إخوة
أنتم اخواني في الله
وأنا مسامحة على طول الخط وأتمنى وادعو لكم بكل الخير
Post a Comment