بعض القراءات تستهويني أن أفكر فيها وأعقب على ما جاء فيها كذلك بعض البرامج لأن الاعلام مهم جدا ونستطيع
أن نبي أو نهدم بوسائل الاعلام قيم وأفكار ومجتمعات
المهم في جريدة المصري اليوم بتاريخ 7 يناير كان مقال دكتور محمود عمارة في الصفحة 13 تحت عنوان رواتب نجوم أول شئ أشار اليه الكاتب أن الدول الغربية فيها شفافية ومعلنة رواتب رؤسائها والمذيعين الكبار وكل الشخصيات العامة معروف مرتباتها وأن الدول العربية وطبعا على رأسها مصر ليس فيها تلك الشفافية مما جعلني أتساءل كم مرتب أحمد نظيف في الشهر عشان يقدر يشتري شقتين في سان استيفانو ؟؟ كام يعني كام بجد ؟؟
ما أثار حفيظتي مع أني من الطبقة المنكوبة التي رقصت على السلم لا فقيرة تعيش وخلاص ولا غنية تعيش عيشة مرتاحة الطبقة الغلبانة المتعلمة المثقفة اللي أكيد أغلب قاطني مستشفي العباسية كانوا ينتمون اليها
المهم كتب د/ محمود رواتب بعض المذيعين
مثلا محمود سعد 150 ألف شهرياً + 25 ألف من الام بي سي = 75 ألف شهرياً وعجبي !!!؟؟؟
منى الشاذلي 120 ألف شهريا
أحمد شوبير ولله الأمر من قبل ومن بعد 2.5 م ل ي و ن أيوة مليون تخيلوا
يا الهي ماذا قدم هؤلاء للبشرية من اسهامات ليحصلوا على تلك المبالغ حتى في موقعهم كمذيعين ليسوا أبداً أبداً نجوم فوق العادة يعني مثلا لا يقارنوا بأوبرا وينفري ومجهوداتها وأهمية برامجها
لا اله الا الله
لا حسد كيف بالله عليك يا دكتور محمود ؟؟؟؟؟؟؟
ياترى دكتور محمد غنيم مرتبه كام ؟
لله الأمر من قبل ومن بعد
ياتري معد العاشرة مساء وهو الأهم وهو صاحب الحوار وهو الكلمة السريعة في أذن منى الشاذلي بياخد كام ؟؟؟ المعد والمخرج أهم 100 مرة من المذيع يا تري بياخدوا كام ؟؟؟؟
في النهاية أقول لرئيس مصر
حسبي الله ونعم الوكيل حسبي الله ونعم الوكيل حسبي الله ونعم الوكيل
2 comments:
انا هقول كلمه واحده فى موضوع المرتبات انا مؤمنه بيها انها ارزاق بصرف النظر هو بيعمل ايه او بيشتغل ايه لان ده رزق ربنا كاتبه ليه بس هيتحاسب صرفه فى ايه واللهم لا اعتراض
المسألة مش حسد على الرزق بس كلام عن تكافؤ الفرص والعجب مش شايفة تميز فيهم للدرجادي يعني مثلا أوبرا فعلا مميزة وأفكارها جديدة وبتبذل مجهود ونحتت في الصخر لكن دول بيقدموا ايه بيفيدوا بإيه ؟
Post a Comment