Saturday, October 13, 2007

17) استطلاع رأي 1

استطلاع الرأي الأول لي طلع فشنك .. ليه أأقولكم لأنه تعادل معرفتش أحدد رأي طبعا عدد الناس المشاركين قليل جداً ربنا يبعت
العدد 6 أفراد
النتيجة 50% موافق و50 % غير موافق
الضربات التي لا تميتنا تقوينا
كان رأيي أنها تضعفنا لا تقوينا زي الملاكم لو خد ضربة ولم تهزمه وكسب بالنهاية هذا لا يعني أن الضربة جعلته أكثر قوة على العكس بل أضعفت من قوته ولكنها زادته خبرة لكي يتفادى أن يتلقى ضربة مثلها مرة أخري ولكن ممكن تجيله الضربة التالية من حته تانية
حتى يثخن جسده بالجراح ساعتها يكون ضعف تماما من شدة الضربات المتتالية عليه
مش لو كان بيلعب تنس كان أحسن
كنت أمزح ما أقصده أن المحن التي تمر بالانسان حتى وإن تغلب عليها وقتها فهي تضعفه مع الوقت ويصبح أوهن كالتقدم في السن مثل الخلايا تضعف أليس كذلك
شكرا لمن شارك بالرأي والى استطلاع رأي آخر ان شاء الله

8 comments:

رئيس جمهوريه نفسى said...

كلامك جميل بجد بس هى كده لذه الدنيا انك تقع علشان تقومى وتكملى تنضربى علشان تتعلمى تتفادى الضربات لذه الحياه فى تخطى الصعاب
كل سنه وانتى طيبه

الباحث عن الحقيقة said...

السلام عليكم ورحمة الله وبركاته
انا لسه جاى من استراحة الكاشفة وقلت لازم اشوف الانسانة دى بتكتب ازاى وتقول ايه
وعلى رغم سعادتى باكتشافى لمدونتك بقدر غضبى ازاى فاتتنى موضوعاتها
من هنا ورايح انا هتلاقينى مقيم هنا
هاخد كرسى من الاستراحة وقاعد هنا على طول
الضربة التى لا تضعفنى تقوينى
تقوينى فى نظر اعدائى
وتقوينى لانها اظهرت عندى مواطن القوه وعرفتنى فين مواطن الضعف
واكسبتنى خبرة فى التعامل بعد كده تخلينى اعرف اقدر الامور كويس
يعنى بعد ما كنت بثق فى الناس ثقة عمياء بقيت احذر من اى شخص على النت مهما كان
لانى تلقيت ضربة كبيرة جدا وظلم كبير
وشاركت فى الاستفتاء وقلت احتسب عند الله
وهبعد فى صمت خاصة لو حاولت استوضح الامور لكن تبين لى اصراره على الظلم
تتصورى ان ممكن القريب ده رغم انه قريب لكن يصر على ظلمك
ما علينا
كل سنة وحضرتك طيبة

الباحث عن الحقيقة said...

ملحوظاية: انا رديت على البوستات لغاية بوست الناس ألوان وكتبت رد هناك احب اسمع تعليقك عليه

L.G. said...

عزيزي الباحث دايما ببتدي من النهاية عشان أواصل- بالفعل رديت على موضوع الناس ألوان قبل قراءتي للتعليق ده ورأيي زيك في الاستطلاع بحتسب لأن الضربة من العدو سهل أردها لكن لما تيجي من الظهر بتقسم الوسط-
ححط عشانك كنبة تيجي وتجيب حبايبك كمان عندي صديقة أول من زارت المدونة قالتلي موضوعاتها غريبة ولو انها لم تكتب رأيها واحترمت ذلك
كنت بثق في الناس دلوقتي بشك في صوابع ايدي

L.G. said...

سيادة الريس ازيك
خلاص بطلت أأقوم عشان محدش تاني يضربني لا أجد لذة بصراحة في الصعوبات ولو أن طوب الأرض بيقول عليا قوية بس والدتي عارفة ده خداع عقلي بعرف ألعب بدماغ الناس وأوهمهم اني كده
اتعلمت كفاية ونكتفي بهذا القدر
عيد سعيد شلت مبارك من العيد عشانك ياريس

L.G. said...

معلش تصحيح اخترت في الاستطلاع ابتعد في صمت بخاف أحسبن لأن ربنا بيجيبلي حقى في ساعتها وبرضه ميهونش عليا أصحابي حتى لو باعوني

a Dreamer with feet on the Floor said...

U have a good Understanding and a good sence,,
I wish we will communicate more.
thx

L.G. said...

أهلا أهلا أهلا بعالم الأحلام كان الناس دايماً يصفوني بذلك وكأنها سبة
المهم اكتب بأه المدونة فاضية ليه عارف أنا سبت مدونتي فاضية شهر بعد الانشاء خليك زي الصقر مش فالكون يعني صقر ومين كسر جناحه عالجه وخليه يطير الصقر لو فضل على الأرض يموت والكلام بتاع مين في مصر مبسوط المؤمن بجد فيه شيخ أعرفه تخطى الثمانين الحمد لله بصحة ومستور وكويس
السر في الايمان بس احنا بنجاهد لسه فيه عشان كده عندنا مشاكل
وبعدين ازاي تحلم ورجليك على الأرض لازم تطير تحلق ترتفع هو ده الحلم هو ده الصقر ولا ايه
تنبئ بكلام جامد مستنين نسمعه رئيس الجمهورية والمدقق الباحث عن الحقيقة مدونات تستحق الزيارة وابقى اشرب شاي على حسابي ومع الريس يالا عيدية ياترى بتاخد عيدية لسه وكام؟