Sunday, January 20, 2008

55) بلد المليون سؤال 2

رحلة المليون
فاكرين لما قلت عندي مليون سؤال .. محدش فاكر معلش
المهم دايماً كان عندي سؤال يؤرقني ليه المصحف اتقسم 30 جزء والأحزاب والاربع وسجدات التلاوة على أي أساس والسؤال ده راودني بعد ما أجبت عن سؤال في مسابقة رمضان الكبري بالأهرام أو الأخبار لأني كنت باخد الورقة وأنسخها وأوزعها في العمل عشان كل زميل يحاول يحل معايا ولو اني في النهاية لم أكن أرسل الحلول كان المهم عندي شعوري أني مكلفة بمعرفة الاجابات سؤال في الدين مادام فيه حد عارفة ليه أجهله أنا!!؟
المهم السؤال كان عن أطول وأقصر أجزاء القرآن وعندي طبعا الاجابة في كراسة المسابقات وكل يوم حعمل سؤال واللي حيجاوب الأولى حكتبله دعاء واللي حيجاوب 100 سؤال مركز أول يبعتلي رقم موبايله حشحن له كارت تليفون ب10 جنيه معلش أصلي مبشتغلش
المهم 3 مرة
اليوم وبقدر الله لحقت سمعت في برنامج أن الحجاج بن يوسف الثقفي أول من قسم القرآن الكريم أجزاء وأحزاب وأرباع وذلك حسب الشهور والأسابيع من أجل التسهيل على المسلمين لحساب ما يقرءون وكم من الوقت متاح أمامه لختم القرآن يعني مقياس
ولو أني لست متأكدة أعتقد أن التقسيم على أساس الحروف
سيدي عصفور المدينة
زملائي المدونين
من عنده رد وافي وشافي وجامع لذلك الموضوع برجاء افادتي أو الحاق وصلة الكترونية بأي صفحة تشرح ذلك
دمتم لي

2 comments:

عصفور المدينة said...

http://www.ejabh.com/arabic_article_58441.html

أما سجدات التلاوة فأغلبها توقيفي

L.G. said...

جزاك الله عنا خير