Sunday, January 13, 2008

من أنت ؟

لأ بجد حاجة غريبة ومحبطة للغاية يعني النهاردة لحد دلوقتي 20 دخلوا المدونة مفيش تعليقات راح فين رأي الناس طيب موافقاكم المدونة زفت طيب العشرين دول جم ومشيوا كل يوم بيجوا مش معقول كلهم ناس جديدة أكيد فيهم ناس من قراء المدونة
ما علينا أحبطتوني وشكرا
سابني وراح يا هوا كلي جراح في الهوا
سابني تعبت وهو ارتاح
ارتاح ياهوا
مشي
ما علينا
انت مين انت ؟
انت مين قولي ؟
على المدونة دلوقتي

9 comments:

Coca said...

ههههههههههه طيب والله مدونه لذيذه
يمكن بس المدونه محتاجخ منك شويه اهتمام اكتر
انا لسا هبص عليها حته حته
ولا تزعلي نفسك انا بميت تعليق
تحياتي

Empress appy said...

طيب معلش مش انا بجيلك واعلقك عندك زعلانه ليه اقولك اعملى مطب على اول المدونه او جهاز انذار اللى يجيى اقفشيه او كعبليه هههههههههه

L.G. said...

كوكا
ربنا يعزك قوليلي رأيك ايه اللي ناقص المدونة ومستنية منك 100 تعليق وربنا يغنينا بالقليل عن الكتير
---------------------------
بطة
ازيك ما الطب الناس بطب فيه ومشفهومش والكعبلة مبعرفش أكعبل فاهماني :)
-----------------------

Soooo said...

انا سوووو
وبعدين يابنتي انتي قافشه على اللي بيدخل ومش بيعلق ليه
ما انشالله ما عنه علق

فكرة التدوين يا بنتي مش في ان الناس تقول الله وهايل وبتاع
لأ
فكرة التدوين انك تدوني مواقف الحياه معاكي
موضوع التعليق ده بقى بيبقى لو انتي اتكلمتي في موقف وانا قريته واتأثرت بيه قمت كاتب تعليق
لكن مش شرط ان الكل يعلق


وبعدين خدي هنا .. يعني عشرين واحد دخلو وماعلقوش وانتي زعلتي .. امال اللي بيكتبو في الجرايد والمجلات وبيكتبو الموضوع للناس اصلا وممكن الناس ولا تعبرهم .. دول يعملو ايه .. ينتحرو مثلا

روقي بس انتي وصلي بينا عالنبي .. وافتحي التعليق في مواضيعك واهتمي بجزئية واحده بس
انك ليكي مكان في العالم وليكي صوت وبتتكلمي وبتقولي رأيك براحتك
هو صحيح مش براحتك قوي عشان بقى سهل يجيبوكي لو قلتي حاجه كده ولا كده .. لكن وماله

معلش طولت عليكي .. بس ده لاني فعلا باعزك


سلاموووووووووز

L.G. said...

سوووووو
ياباشا حمدالله على سلامتك
والله الاحباط مش من عدد التعليقات الاحباط ان محدش فاهمني

Soooo said...

هو انا كنت فاكرني ابتديت افهمك
لكن بعد حذفك التعليق اللي عندي .. مش فاهمك







سلااااااااااااااااااام

L.G. said...

صدقتني يا سووو لما قلتلك محدش فاهمني
التعليق عندك المفروض انه بيوصل على بريدك الالكتروني يعني خلاص قريته وحذفته من على مدونتك لأنه يدعو للإحباط وأنا شايفة ان الناس مش ناقصه مني احباط فلغيته لأنه ميهمش حد
التعليق عشان الناس تتابع
ان أنا ضاع من عمري سنين كتير وكلها من غير فايدة بعكس سو اللى كان فاكر ضاع من عمره 4 سنين بس هو لقى ليهم فايدة
بس خلاص
والى لقاء

Soooo said...

هو ايه اللي الى اللقاء
وايه المنطق الغريب ده يابنتي
يابنتي الغرض من التعليقات ان الناس تتفاعل مع بعض
تقرب من بعض
تقف جنب بعض

انتي باللي بتعمليه ده فعلا بتخلي الناس تبعد عنك
والطبيعي انهم مايفهموكيش

فكري في كلامي واحسبيه بعقلك



سلااااااااااااااااام

L.G. said...

سووو مصمم يعمل حكاية بس أنا مش فاهمة
قلت التعليق للتوضيح والله والله والله التعليقات لا تهمني بالطريقة التي يفهمها البعض

وكمان الى لقاء تفرق كتير عن الى اللقاء عدم التعريف بالألف واللام عندي في مفهومي أنه الى لقاء وحوار آخر وليس مع السلامة
لا اله الى الله
حموت نفسي يا ناس
شكلي أكتب انجليزي أحسن عشان محدش يفهمني غلط
بس قولي ايه اللي عملته ده ؟؟ اني قلت الى لقاء علموني في العربي أأقول كده لما أحب أشوف حد تاني


قلي ايه اللي عملته !!!! يخلي الناس عندها حق تبعد عني
وعلى العموم أنا مسامحة ولو الناس بعدت أكيد مش أنا الخسرانة :)