Wednesday, June 11, 2008

لي وحدي


أيوة عايزة أكتب

بس بحب أكتب بالورقة والقلم وبكره الجهاز لأنه جماد

لكن القلم روح والورقة احساس


أيوة عايزة أكتب عن حاجات كتير

بس خلاص فقدت الامل في التغيير

والأفكار من دماغي بتطير


أيوة عايزة أكتب

بس مفيش حماس

معدش فيا لا روح ولا احساس

نسيت الناس والقلم في الحبر داس


لأ خلاص

بكرة يمكن أعيش عشان أكتب تاني

يمكن تنزرع في القلب الأماني


لكن مظنش لأني خلاص رميت الكراس
وقلبي مقفول بترباس

وماسكة حلة نحاس

:)))))

11 comments:

سلوى said...

كراس ايه اللي رمتيها

يا بنتي انت ما بتصقي تلمحى كراس

انا برضه بحب القلم و ياسلام لو كان رصاص

بس حلوة يا لولو
يارب تعيشي وتكتبي وتحلمي وتحققي اللي ي الراس

تحياااااتي

Mafrousa said...

ههههههههههههههههههههه
رميتي الكراس و ماسكه حله نحاااس
ههههههههههههههههه
ده الحر عامل عمايله مع الناس و اولهم انا
هههههههههههههه
بس انك تقفلى قلبك بالترباااس انا معاكي مليون فى الميه و نبقى تشوفيلى معاكي انا كمان تربااااس
ههههههههه

بيتنا القديم said...

"معدش فيا لا روح ولا احساس"
.
.
.
إستغفري ربنا يالا..وروحى اغسلي وشك

بصى انت النهارده بخير كتير اكيد

انت مش حاسه بيه دلؤتي

لكن بكره اكيد حتحمدي ربنا عليه..!!

انا حقيقي مش اعرف طبيعة حياتك ايه؟

لكنك لست وحدك في الكون..!!

ثمة اناس يعانون مثلك..!!

لكن معناتهم اعطتهم فرصة لمعرفة ذواتهم

والانطلاق في الحياة ..!!

نصيحة:
ــــــ
اللي انشك وهو بيقطف وردة...

بينسي الألم لما بتكون في ايده...

ويشم ريحتها..!!

(:

يالا ..يالا..يالا..

قومي يالا اغسلي وشك..انا عزمك على

العشا..اخطفى رجلك للتلاجه شوفي مخبيه

هناك ايه؟!!!

(:

Jana said...

جبتى حلة النحاس منين؟؟

لأ مترميش كراريس ..انا زمان كنت باقطع الورق الابيض الفاضى وادبسه فى بعض وارسم
شفتى ..يعنى حتحتاجى الورق حتحتاجيه
لو مش عشان تكتبى يبقى عشان ترسمى..حتبتسمى
ولو مش بتعرفى ترسمى تعملى صواريخ وتطيريهم فى الهوا ...حتنتعشى
او ديل قطة وتعلقيه فى جاكتة واحد معدى ..حتضحكى
او تقصى عرايس وتخرميهم بدبوس من عين فلان وعلان ..حتفطسى من الضحك

صدقينى مالكيش غنى عنه

بجد جبتى الحلة النحاس منين؟؟

ممكن اعمل حركة جدعنة وانقذك من عزومة سمسم اللى داخل تلاجتك على طمع يبحث عن سكر مطحون
واعزمك انتى وسمسم وسلوى على
ملوخية بالرز
استنى استنى
لقينا عم بطووووووووووووط
هههههههههههههههههههه
ابقى فهميه بقا

جبتى الحلة النحاس منين؟؟

L.G. said...

سلوى
معلش كنت بكلم نفسي بس بس كل ما أجي أقفل التعليقات أأقول لحسن جنى تزعل بسيبها لو تبصي تعرفي ان الموضوع شغل عيال كلام وبقوله في لحظة تهييس

كفاية مش عايزة أكبر أكتر من كده :))

L.G. said...

واحدة ربنا يحميها من الفرسة :))

مرورك أسعدني ومدونتك جميلة
الحر عامل عمايله مع الناس سجع جميل المفروض أضيفه للتدوينة
انتي اقفلي قلبك ماشي واضح انك متزوجة لكني أنا قفلاه على الفاضي مش على المليان
تحياتي

L.G. said...

بيتنا القديم
سلامات عاش من شافك
مروري عندك ضعيف لأن النت بطئ عندي والمدونة دسمة بتحمل بصعوبة

اشكر تواجدك
وكفاية مرواح على التلاجة فضيت وأنا تخنت كفاية مش عارفة ألم الدور كده :))

ده كلام تخاريف من غير تدقيق ولا تحليل وكما عنونته
لي وحدي
عشان أكون واضحة معدتش بفكر لأن دماغة اتحرقت وعايزة ويندوز جديد
وطبعا ناس كتير معاناتهم أضعافي بس أنا من الناس الهبل اللي بيجمعوا أحزان الناس مع احزانهم

L.G. said...

جنى
الحلة النحاس من بطن الشاعر لأصدقك القول كتبتها كرامة لأبي عشان تضحك في نهاية الموضوع بس عمري ما كان عندنا حلة نحاس
بس لو فسرناها النحاس غلي وأصبح ذا قيمة وكمان الحلة فاضية أكيد ليها اسقاط معرفهوش


بالنسبة للورق عملت كل الي قلتيه
وعلى فكرة كنت بقول لماما متقطعيش أبدا ورقة من كراستي دي حته مني
:))
حشوفك امتى

Omar El-Tahan said...

طبعاً مش هاهزر وهاتكلم جد وأمد بوزي كمان واعقد حواجبي وانا باتكلم دليل على الجد والرزانة

كلامك نفسه يقول أنك تقاومين الأمل بداخلك ... هو موجود ويجاهد للخروج .. ولكن الأجواء المحيطة لا تجعلك ميالة لإطلاقه .. بل لكبته وكتمانه . ما بداخلك أنبل وأقوى ألف مرة مما يخرج من بين أناملك ... فقط اتركي له العنان.

تحياتي

رحــــيـل said...

ياخبر يبقى اخرتها
حلة نحاس
لالالا الحقى نفسك بجد
مش لازم ورقه وقلم ماله الكمبيوتر اهو اللى موجود اكتبى وبلاش كسل

يابنتى اصرخى بحروفك
طلعى كل اللى جواكى
ملناش غير الكتابه والحروف
اوعى تضيعيها

L.G. said...

عمر الطحان

اذا أخرجت ما بداخلي وكتبت سأغلق التعليقات تماما

رحيل تختاري ايه
أكتب براحتى وأقفل التعليقات أم أكتب في مواضيع عامة وأترك لكم حرية التعليق لأن ما بداخلي ليس متاح لكل الناس التعليق عليه