سلام عليكم
برضه الكلام مجرد حوار في دماغي اللي حتتحرق من سرعة الأفكار كل يوم حاجات كتير تستوقفني عايزة أكلمكم عنها وفي الآخر مبتكلمش
ينفع أكتب على الورق وبعدين حد ينقل على النت أصلي كسولة قوي عارفة صفة وحشة بس حعمل ايه
موضوع البخور كتب على الورق الأول وبعدين نقلته بعدها بشهر مثلا
كلمتين وبس وكلمة ومعناها برضه على ورق ده حتى لسه فيه كلمات منقلتهاش
آه نفسي أعملكم تاج بنين وتاج بنات وتاج تدوين
لو كلمتكم عن آخر الكتب اللي بقراها وآخر الأحداث في حياتي حتاكلوا الكمبيوتر قدامكم
بس مين ينقل على النت ؟؟
احساسي بالتهديد من الفاتورة قاتلني لأني بحس اني بظلم والدتي يمكن لو بشتغل مكنش همني بس حاسة بخوف وعدم أمان
أهه ده موضوع الصفات اللي بنعيشها
موضوع حياتي الثقافية حاليا
موضوع مصر بخير ـ طول ما انا فيها طبعا :)
موضوع ست البيت
موضوع قرأت لك ـ حته كتاب كنز والله
موضوع على الحب وسنينه
لو أعرف أسجل الكلام اللي عمال يور في دماغي
أيوة نسيت فيه حته موضوع خاص بكلام البنات جميل
؟؟؟
حد عنده حل أتكلم والجهاز يكتب ؟؟؟
تخاريف بس على الهادي يا جماعة
على ورق اللورا
21 comments:
السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
بعني من الاخر انتي عاوزه تتكلمي و الكمبيوتر يكتب
من باب الكسل
اه فيه كده اللى همه بيستعملوا طريقة بريل
مش المنظف بتاع الاطباق لأ التاني بتاع النور و الامل
ههههههههههههههههه
لو خايفه من الفاتورة
يبقى يا لولو
ولال نقول توتو زي ما قالت جنى ؟؟؟
أقولك
يالولو برضه :)
شوفي إنتي أمتبى كل اللي إنت عايزاه على ملف wordpad
أو ملف وورد
المهم بعد ما تخلصي إنسخيه للكمبيوتر
ويادوب تنسقي وتنزلي
مش هياخد وقت
المهم لا تحرمينا من أفكارك الجميله
دمتى بكل الخير يا رب
إيه إمتبي اللي أنا كاتباها دي فوق
أقصد
أكتبي :)
الواحد معدش بيركز يا شيخه :)
هو الزهايمر باين :)
كنت هقولك زى سلوى
اكتبى على الورد و اعملى كوبى
وادخلى على النت اعملى باست وخلاص
ماشاء الله كتبتى كام عنوان بتشوقينا يعنى
خلاص اعملى زى ما قلنا وورينا المواضيع
سلام
انا باعمل حاجة يمكن مش سهل انها تتعمل لكنها بتنقذني لأن فيه مدونات كاتبها من سنة و لسه مانزلتهاش عشان كاتبها على ورق ومكسل أنقلها عالكمبيوتر
أنا باستعمل موبايل فيه كي بورد كاملة .. وكتير من مدوناتي الأخيرة مكتوبة عليه .. ومعظمها وأنا عالسرير قبل ما أنام على طول ... بصراحة حل رائع وممتاز لأن الموبايل فيه وورد وباكتب كل اللي عايزةه عليه وبعد كده ابقى انقل الملف عالكمبيوتر وانسقه بس واقوم على طول ناشره في المدونة
لالالالالالا انت لازم تخرجى الطاقى اللى جواكى وتكتبى كل افكارك
كده هتجننى
واحنا طبعا مش ناقصين جنان
احنا مجانين خلقه
ههههههههههههه
زى مماقالوا عليكى وعلى الورد
انا الاول مكنتش متخيله انى اكتب من غير ورقه وقلم بس الوقتى خلاص بقت بكسل اكتب بالقلم
ههههههه
فى انتظار مواضيعك وانتى لسه بشويه عقل
يارب تكونى بخير
طب انا عندى حل مفتكس
انتى كلمينى على التليفون واحكيلى بتوسع وتفصيل اللى انتى عايزة تكتبيه
وانا حاحفظه
واحاول اكتبهولك زى ما كان بدون تعديلات لوزعية حتخرج لوحدها من اعماق عقلى الباطن
وابعتهولك على الميل تقومى تعمليله تنقيح
وبعدين تلغى الاضافات اللى حاكون كتبتها على لسانك ..محاولة انى استغل الزهايمر
لكن انتى تطلعى ذاكرتك حديد وتاخدى بالك ..
وبعدين تعمليله كوبى وبيست فى المدونة وتببلشيه بقى ..
ايه رأيك فى الحل اللوذعى ده بقى !!؟؟
ومش حتاجى تمتبى على رأى سلوى
هههههههههههههههههه
متخافيش حاحاسبك زى ما بيحاسبوا اصحاب رسالات الماجستير
بس متنسيش
الاوفر تايم
وبدل استخدام وصلة نت
وبدل تربية العيال
وبدل الديليفرى
وبدل ماجى اقتلك لو مكتبتيش تدوينة جديدة
وافتكرى انى لسه محاسبتكيش انتى وسلوى على اخر جلسة
.............
:)
سهل اوى افتح صفحة الورد واكتب اللى انا عايزه
بس اكتشفت انى مبعرفش افكر ألا قدام الورق
علشان كده بضطر اخزن كل افكارى في دماغي ودى مسألة مش سهله لانك اكيد هتنسي حاجات
وبعدين ايه الحل
يمكن علشان كده لما بيكون عندى موضوع فأنا بكتبه على طول في البوست مش من النوع اللى بيحضر لموضوعاته بتكون وليدة اللحظة وبكون بكتب الجملة مش عارف اللى بعدها ايه
بس كويس بينمى مواهب الذاكره
تحياتي
طبعا انتي حرمتينا من اشياء كثيرة مفيده...لكن ممكن تستخدمي الموقع التالي لتكتبي افكارك ثم ترتبيها براحتك و بعدين تبعتيها علي البلوج مباشرة :
docs.google.com
بالنسبة للفاتورة اقترح عليك ال CDL
يوفر بالنسبة للنت...
و يارب تحصلي عمل و تحققي كل امنياتك.
تحياتي و تقديري
يا مفروسة يا عزيزتي
عربي كرامة للغة العربية وتضامنا فعال مع دكتور أبو يحيى وآدم
نعم هناك بالانجليزية أن تتكلمي والحاسوب يكتب وفق كلماتك أنسق وأنشر على النت ولكن تلك الصفة غير متوفرة بالغة العربية
نعم أستعمل بريل لغسيل الأطباق بنكهة التفاح :)))
يا سلوى الحبيبة
المشكلة تكمن في القلم أحب أن أكتب بالقلم اذا كان من الممكن أن أكتب بقلم الكتروني على شاشة الحاسوب يكون شئ جميل
تساءلت عن امتى :))
====================
منى
المشكلة تكمن في الكسل لأن الحماسة مفقودة
===============
عزيزي عمر الطحان
هاتفي الخلوى قديم جدا وليس به تلك الامكانيات وأحب بالفعل الكتابة والقراءة قبل النوم مباشرة وجهاز الحاسوب بعيد عن غرفة النوم
=================
رحيل الحبيبة
لم يرحل عقلي بعد والجنان جنان بالطبع تعرفيه مثلي :))
القلم صديق لي وكأن به روح ويتكلم وأسمعه أما الحاسوب عين تنظر لي على الدوام لذا أحب أن اسمع القلم ولا أعتقد أني سأعتاد الكتابة بغيره أبدا ولكني أحاول حاليا أن أكتب ثم أنقل على الوورد
=======================
جنى
فكرة جميلة جداً ان أفكر ونكتب بألفاظك موضوع مثير للتفكير للغاية ويجب علينا بالفعل تجربته ولكن مكالمات التليفون لا أستطيع أن أعدك بها
الفاتوووووورة
والحساب يجمع
========================
الباحث
نعم أحب الأوراق أيضا وقبل كتابتي أحيانا لموضوع مهم أحدد الكلمات الأساسية فيه لأهم الأفكار لكي لا أنسى نقاط مهمة ولذا حتى الكتابة على المدونة يكون وليد اللحظة لكي ألتزم بصدق أفكاري ولو أن هذا يطيل من جلوسي مستخدمة النت
الربان
سيدي نعم المشكلة في الكابل أني على غير ما يعتقد الناس تماما أستحي من الاتصال بالشركة :)) تصور
الوورد كافي لي سأحاول أن أستجمع قواي واقوم بذلك الاتصال يوما :)
تحياتي
د/ أبو يحيى وآدم
الرد على سيادتكم يستلزم تدوينة منفصلة
السلام ختام
ده عنوان اخترته لتعليقي اللى بكتبه هنا
طبعا حضرتك مش بتشرفينا في المدونة لانك زعلانه
واسمحيلى افكرك انتى زعلانه ليه
لانك دخلتي قلتى باحث وعسقول ايه مالكم بقالكم فترة مش بتكتبوا حاجه مفيدة
لان حضرتك اختلفتي معانا ومع الناس اللى وافقتنا قلتى اننا بقالنا فترة مش بنكتب حاجه مفيدة
قمة الذوق منك بصراحة
فرديت على سيادتك وقلت انك لو كنتى بتدخلى الصحيفة الكاشفة كنتى هتلاقي الموضوعات المفيدة
تقدري تقوليلي بذمتك اخر تعليق ليكي في الصحيفة الكاشفة كان امتى؟
وجاية تقولى مش بنكتب موضوعات مفيدة بقالنا فترة
وزعلانه علشان رديت عليكي رد انا شايف انه يناسب كلامك اللى قلتيه ده
وحضرتك زعلتي
ومش بتشرفينا في مدونتنا
اوكي
اقسم بالله العظيم كلامي ده مش علشان ترجعي تشرفينا ولا تكتبي تعليقات على مدونتنا لاني مش هروح اشحت الناس من مكانها تيجي تعلق عندي
بل بقولهالك بصراحة اهو : تعليقك على موضوعاتي شئ لا يشكل فارق عندي الان
زمان كان بيشل فارق
لاني كنت بعزك جدا
انما انا جاي علشان خاطر صاحبي ابن حجر العسقلاني
الواد بيحترمك جدا
وانا كمان وربنا يشهد
وكل مرة نتقابل لازم نذكرك ونتكلم عنك بكل خير واعجاب
اتمنى انك ما تظلميش ابن حجر العسقلاني بسببي
ياريت تتابعي اللى هو بيكتبه لانه بيحترمك
هو صحيح لسه مش كتب حاجه جديده
بس اتمنى بعد رحيلي من عالم التدوين انك تبيني لابن حجر احترام وتقدير زي ما بيحترمك ويقدرك وهو بيسعد جدا بتعليقك في موضوعاته
هو مشغول دلوقتي ندعيله بالتوفيق
وانا بسلم على صديقة واخت قديمة
وانا قبلت مقاطعتك لموضوعاتي
ومش هستجديكي تعلقي في موضوعاتي
بس مش عايز اكون سبب انكم تتركوا موضوعات ابن حجر ..خلوا عندكم ضمير شوية لما تخاصموا حد خاصموه لواحده
واخيرا ده اخر كلام مباشر لي معاكي
علشان كده بقولك
السلام ختام
ملحوظة : الحق حق برضه ..لا انكر اني مازلت احترمك
بس اوعي تفتكري اني اقصد ألين قلبك بعد الكلمتين دول
انا بس قصدي ان نفترق على الاحترام
والسلام
الباحث
كفاية طوب
انتى عارفه لو قريتي كلامي كويس
هتحسي اد ايه انا متعصب ومتضايق علشان مش بتزورينا
وده ما بيحصلش مع اي حد
مع الناس اللي بنعزهم بس
يعني انفعالي ده دليل على كبر معزتكم عندنا واحترامنا ليكم
يلا معلش حقك عليا لو كنت عبرت عن زعلي بانفعال وعصبيه
بص مش معقول يعني كنت هاجي اترجاكي تتيج تزورينا وانا حاسس انك مقاطعنا
معلش ما تزعليش مننا
ما تخليش معزتنا ليكم تكون هي سبب القطيعة
حقك عليا كمان مرة
اتمنى تزورينا
بنستناكي فعلا وإلا مكناش لاحظنا غيابك ولا زعلنا
في انتظار رأيك في موضوعي في الاستراحة
الباحث
الرد في تدوينة خاصة بك مازالت مسطورة على الورق سوف أحاول بإذن الله كتابتها لاحقا
دمت بخير
تدوينة خاصة !!!!
اللهم صلي على النبي
على فكره انا حاولت اوصل لايميلك محدش ساعدني
اول مره اتمنى شئ ومش يتحقق
وده يفكرني بنعمة ربنا عليا اني الشئ اللى كنت اشتهي واحب اني اعرفه او يحصلي كان بيحصل فعلا
الحمد لله رب العالمين
منتظر التدوينة الجديدة
يلا ولا يهمك طالما هيريحك
وان كنت موعدكيش اني اقراها
لسبب
محدش في القلب مكان لضيق او زعل
استنفذت جميع الامكنه
:)
استاهل اصل انا كنت بزعل كتير واتعصب كتير
ده بفرض اننا عشنا وشوفنا التدوينة دي لانها واضح انها اتأخرت
تحياتي
هستنى كتيييير
؟؟؟؟؟؟؟
فين البوست
بجد كده كتير
عموما عملنا اللى علينا
السلام عليكم ورحمة الله وبركاته
Post a Comment