Wednesday, September 24, 2008

161) حصــــــــاد الســـــــــنين1



السلام عليكم .. مر عام تدويني وكعادتي أحاول تقييم التجربة من حيث مدى النجاح والفشل وما استفدته شخصياً منها ومدى استفادة الآخرين منها . ووجدت أنها تجربة ثرية لذا آثرت أن أفرد لها سلسلة من التدوينات وأقسمها لمراحل كي لا أثقل عليكم في القراءة .


المرحلة الأولى ( آفاق بعيدة )ز


من بداية معرفتي بفكرة التدوين وحتى إنشاء مدونة خاصة بي
أول ما سمعت عن المدونات كان من شيخ الصحفيين محمد حسنين هيكل يشيد بمدونة بهية وأنه يتابعها لتفردها وكفاءتها العالية في التحليل السياسي . هنا أدركت مدى قوة المدونات وأنها قد تصل لكل الناس ولمسامع العقلاء وقد تغير من وجهات النظر أو تفتح آفاق جديدة وبعيدة للتفكير . وبالفعل زرت مدونة بهية وبها صور جميلة ولكنها سياسية في المقام الأول وعن نفسي أرى السياسة على الاقل في مصر مكمن النفاق والفساد . بعد ذلك قرأت في المصري اليوم وسمعت في برامج أخرى عن مدونات ولو أن أصحاب تلك المدونات لم يرسموا صورة طيبة في ذهني عن التدوين فمنهم من يهاجم وفقط .. ومنهم صاحب الشعر المنكوش .. الصورة البصرية وكذلك تفكيرهم لم يحمسني حتى اليوم لمجرد زيارة مدوناتهم .
وصرفت النظر عن المدونات نهائياً حتى وجدت عنوان مدونة خالد الصاوي الممثل مزيلا كتابته في مجموعة دستورك يا محروسة وزرتها ولم تعجبني أيضا ولو أنها أظهرت شخصيته بشكل مختلف عما نراه على الشاشة .. جانب آخر من الشخص لم نكن نراه . وخلت أنني سأجد عنوانه عندما اضغط على كلمة القاهرة في البروفايل الذي يخصه وهنا وبضغطة واحدة فتحت باب المدونات الكبير ودلفت إليها ...
ودخلت لأول مدونة تعرفت عليها وكنت أترك تعليق على ما يهمني ومع الوقت وجدت أفكار يجب علينا مناقشتها والتحقق من جدواها أو تصحيحها إذا لزم الأمر وأني إن كان لدى وجهة نظر أو رأي يستحق وضعه على مائدة الحوار فواجبي أن أفعل وقلت لنفسي أني يجب أن أنشئ مدونة خاصة بي .
أنشأت المدونة في أغسطس ومر شهر أحاول أن أفك طلاسم تنسيق المدونة والألوان ونوع الكتابة ومر شهر كامل وفي ليلة من ليالي رمضان يوم 14 سبتمبر كتبت أول تدوينة لي ....

دائماً كنت أعبر عن نفسي ومشاعري وأفكاري تجاه الآخرين والأحداث كتابة .. وكنت أجد أن الكتابة أفضل وأبقى من الكلام لأنها تخضع للمراجعة وتبقى بين يديك للرجوع اليها وقت الحاجة . هل هذا هو طريقي للحياة ؟ أن أكتب ؟ أن أقول رأيي ؟؟ هل هذا هو طريق الاصلاح ؟؟

الاجابة في الحلقة القادمة من حصاد السنين ( أول شئ – أهم شئ – المدونات التي أتابعها- أفضل المدونين - طبائع المدونات وخصائصها )ز
تابعونا

حصاد السنين 2

22 comments:

Bella said...

ازيك ياست الكل
كل سنة وانت طيب

منتظرة التكملة
وسأعود لاحقا للتعليق

لكن ليه ماعملتيش للبوست ده عنوان

سأعود بعد العمل للتعليق ان شاء الله

تحياتي

محمد الكومي said...

كل سنة و انتي و مدونتك طيبين و كويسين و لذاذ اكتر كمان

Appyplanet said...

كل سنه وانتى ومدونتك طيبين
ومستنيه الباقى حلو كلامك ده عجبنى

رحــــيـل said...

عاش من شافك يا ال جى

غايبه ليه كنا محتاجينك الايام اللى فاتت جدا

ههههه وش بيغمز

كل سنه تدوينيه وانتى بخير
وكلنا سوا

منى said...

كل سنه وانتى ومدونتك بكل خير
وكل سنه واحنا مع بعض _ ان شاء الله

مستنيه البوست التانى بسرعه بس يبدو انه هيبقى فيه التقيل كله
بس اوعى تنامى وتنسينا
تحياتى

شــــمـس الديـن said...

كل سنة و مدونتك طيبة و عقبال يا رب مليون عام تدويني

منتظرة بقية تقييم التجربة الثرية لاني احب ان يقيم المرء كل تجربة يعيشها :)

L.G. said...

بيلا

مدونتك تختص بالتعليم أليس كذلك كنت أتابعها وأتابع تعليقاتك عند الآخرين وجودك في مدونتي كنزول ضيف جميل على البيت

سأكمل ولكن قد يكون بعد العيد بإذن المولى

العنوان
:))
سطل خدي من ده كتير سأضع العنوان
تحياتي ومودتي

L.G. said...

محمد
أشكرك ولو أني ظننت أن مدونتي دمها تقيل واسلوبها يفتقر للمرح

أشكرك على حسن المتابعة

=============================
أبي

ايوة استني البقية فيها كلام كتير عنك طبعا وعن مدونتك

===========================
رحيل

كنت معاكم وفاهمة طبعا وقريت كل حاجة ويارب دايما فعلا نفضل متصاحبين على الخير أشكرك على وجودك وكل سنة وانت طيبة وبخير ويارب تحققي ولو حاجة واحدة نفسك فيها السنة دي

=========================
ممنون منك

منى ممنونة منك قوي لأنك فطستيني من الضحك على حنام على البوست بس عشان مكدبش على العيد وعليكي خير بأه

دايما بخير يا منى يارب وتصدقي بالله كنت بدعي ولقيتني بدعيلكم انت وسلوى وسارة ونجوى زيي يارب يكون لنا نصيب من دعاء احدانا لللأخريات

=============================
شمس الشموسة

المدونة نورها ساطع خالص أشكرك على تواجدك وفعلا التقيل ورا بس يارب محدش يزعل ولا يقوم يضربني من اللي حكتبه
وطبعا لازم نقيم ونعدل ونغير للأحسن دايماً بعون الله
تحياتي

Bella said...

مرحبا

اشكرك كثيرا على ترحيبك الدافئ الحميم

مدونتي التي تختص بالتعليم أنشأتها لاحقا بعد مدونتي الرئيسية أفكار مبعثرة

بس تعرفي

انا بقالي فترة بادون ومافيش ولا مرة كتبت عن تجربتي مع التدوين

موضوعك ده شجعني اني اكتب عن تجربتي انا كمان

منتظرة تكملة الموضوع ولي عودة لاحقا

تحياتي

ابن حـجـر الـعـسـقـلانـى said...

السلام عليكم يا إل جى

كل عام و أنت بخير ... و عقبال ألف سنة تدوينية

بصراحة أول مرة شوفت اسمك فى تعليق ليكى فى إحدى المدونات لفت نظرى إنه مجرد حرفين .. و بصراحة مش عارف لغاية دلوقتى معناهم ايه .. يمكن تكونى شرحتى معناهم فى احدى تدويناتك لكن أنا ما شوفتهاش

و بمتابعتى ليكى لاحظت كذا ملاحظة

إنك من مجموعة المدونين القليلين المتميزين اللى الواحد بيتابعهم .. ليكى وجهة نظر و آراء ثقيلة مهمة

و الغريب و المتميز برضه هو إنك كنتى بتنزلى كذا تدوينة مرة واحدة

إلى جانب إنى شعرت بعد فترة من المتابعة إنك مختلفة شوية عما كنت متوقع .. حسيت بإنك حاسة باغتراب شديد .. و بوحدة .. مش عارف ليه .. و ماعرفش برضه ما مدى صدق هذا الشعور

و ماعرفش ليه حاسس إنك بتفكرى كتير .. كتير قوى أكتر من أى حد و بتعملى ذهنك بشدة لدرجة ممكن ترهقى بيها ذهنك ..و حاسس برضه إنك ساكتة معظم أوقاتك .. دة أنا استنتجته من التدوينات القصيرة اللى كنتى بتكتبيها .. كانت بليغة جدا .. و دى عادة من يحاول أن يركز أفكارا كثيرة فى كلمات قليلة

بالفعل تدويناتك ذات طبيعة متميزة .. و بالفعل مدونتك ليها لون خاص وسط عالم التدوين
بجد أرجو لك كل توفيق .. و المزيد من التدوينات المتميزة

ابن حـجـر الـعـسـقـلانـى said...
This comment has been removed by the author.
سلوى said...

يا جامد يا جامد

إيه التشويق ده

كل سنه وانت طيبه وبخير وسلام

Shimaa Gamal said...

كل سنة و إنت طيبة و يا رب السنة الجديدة تكون مليانة موضوعات و مناقشات و تفائل و أمال محققة إن شاء الله .

المنافق said...
This comment has been removed by a blog administrator.
ابن حـجـر الـعـسـقـلانـى said...

كل سنة و انت بألف خير يا إل جى بمناسبة العيد ... و ربنا يتقبل منك الشهر الكريم و يعيده عليكى أعواما عديدة

Jana said...

مش معقول بقى
كل ماجى اكتب تعليق ييجى تليفون
ولما ارجع الاقى جنى كتبت هندى زى اللى بتتكلمه بالظبط والحمد لله انها معرفتش تبعته
كان زمانك بتتسائلى ايه اللى حصللى وقلبنى هندى
هههههههههههه
المهم بقى قبل ما ييجى تليفون تانى
كل سنة وانتى طيبة وبخير وقمر وكميل وكل الحاجات
عشان عيد الفطر
وكل سنة وانتى عسل ولطيف وجميل ورقيق
عشان عيد المدونة
ابعتيلى بقى كيلو كحك بالعجمية وعين الجمل عشان معملناش السنة دى
الكحك عشان العيد وعين الجمل عشان المدونة
:)
تقبل الله منك رمضانك
واسعد ايامك
وكتر اعيادك
:)

نبراس العتمة said...

كل عام وأنت بألف خير..وكل عام وأنت مدونة
مودتي الأبدية

محمد الكومي said...

مين قال انها دمها تقيل

او انتي مفكرة كدة ليه

اقل شئ تستحقه مدونتك هو المتابعة

و بعدين انتي عشرة تدوينية قديمة من ايام عربية الكبدة

و انتي عارفة لساني فالت

و يامة مدونات من الانشكاحيين و الادباء كنت بخش اخبط رايي

يعني لو انا شايف مدونتك تقيلة على قلبي

يا الا هاقولك لو انتي عزيزة عليا

و انتي عزيزة عليا و ماقلتلكيش

يا الا هنسحب في هدوء لو الامر لا يعنيني

و انا لا عملت كدة و لا كدة

لاني بعتز جدا بمدونتك و بحرص على متابعتها

كل سنة و انتي طيبة يا ال جي

انظري للحياة بابتسااااااااااااااااامة من فضلك

L.G. said...

بيلا
سيهمني كثيرا أن أتابع حصادك الشخصي ويقينا سيضيف لنا جميعا بإذن الله وانتظر عودتك

=====================
سلوى
اشكرك وأتمنى أن نلتقي قريبا

===================
شيماء

العزيزة شفت وصفة الكانيلوني لسه قريب بالصدفة مدونة المطبخ ممتازة وعمرة مقبولة يارب واكتبلنا اكتر بالذات في مدونة الطبيخ
شكرا على الدعوة الجميلة في المدونة
تحياتي ومودتي

=======================

L.G. said...

التعليق المحذوف
أعتذر لصاحب أو صاحبة التعليق ولو أن تعليقه مشجع وجميل ولكن ذهبت لزيارة مدونته ووجدتها تخالف طريقي تماما وأخاف أن أدل عليها أحد آخر فآخذ ذنب من يصل لها

بالطبع لكل إنسان حريته في التعبير ولكن معذرة لحذف التعليق من مدونتي

أشكرك صاحب التعليق على سعة صدرك ان تقبلت تصرفي بتفهم ومرحبا بك في اي وقت ولكن برجاء الدخول بغير معرف

L.G. said...

جنى
وانت طيبة بس معلش السنة دي أول سنة منعملش كحك :(

تحياتي للأولاد
دمتي بخير

==================
نبراس العتمة
وأنت بخير ودولة المغرب العربي آمنة ومزدهرة يارب ومدونتك متألقة

============================
ملك الكبدة
فهمتني غلط أنا أقصد الانطباع عني الجديدة أول مرة حد يقول مدونتك لذيذة أعرف أنك متابع جيد لي وأشكرك من أيام عربية الكبدة

وأنت أول متابع لمدونتي أشكرك على هذه الثقة انا برضه قلت مين الراجل الاخضر الذي ظهر فجأة على البروفايل
تحياتي

L.G. said...

نيجي بأه
للعسل وعقلاني

معلش سبتك للآخر عشان الكلام عايز كباية شاي وقهوة ونسكافيه من الاستراحة

أولا عيد سعيد واشكرك على الدعوة الطيبة وتقبل الله منا ومنكم

الكلام الكبير بأه

:))
بالنسبة للإسم يا سيدي ستجد حكايته ومن أطلقه على وهو اختصار لإيه بس بالانجليزي معلش في تدوينة رقم 95 تمام كده

الملاحيظ بأه
تصدق بالله سأورد تعليقك والرد عليه في تدوينة خاصة بسرعة قبل ما تحدف طوب زي بتاع الباحث متقلقش
أشكرك على اتعليق الذي أثلج صدري بكلماته فهو يعني أنك فكرت وتناقشت مع نفسك وحللت الكتابات والتوجهات وخلصت الى تلك النتائج

شكرا جزيلا جدا بارك الله لك وفيك وعليك آمين يارب