Wednesday, April 23, 2008

134) حبش حبش حبشتكـــا


حبة حبشتكة

.

ليه مش عايزين حبش حبش حبشتكا؟

أأقولكم ليه حبشتكم دلوقتي

كنت أتابع جدل فقهي على إحدى المدونات الصديقة واستأت من بعض الردود وفجأة

.

تذكرت موقف حدث لي اليوم فأنساني ما وجدت من الحزن وضحكت

كنت مع صديقة لي في الشارع وجلسنا نلتقط الأنفاس على كرسي على كوبري استانلي

وإذا بطفل صغير يضربنا بيده ويقول لي يا مزة

نعم مزة

اعتذرت أمه لي كثيرا ولكني قلت لها على العكس ربنا يجبر بخاطره أنه يجدني مزة

الطفل لا يتعدي الثالثة من عمره


حبشتكة تاني

أثناء مشاهدتي لمشهد ناجي السماحي يحاور نور ابنة علام في ليالي الحلمية

وفي لقطة مقربة على وجه ناجي ـ شريف منير يعني

وجدت

ودنه صغيرة جدا جدا

أصغر ودن راجل شفتها في حياتي بجد والله سبحان الله

وغيرت القناة


حبشتكة تالت


في برنامج العراب الذي سيأتي تقييمه في بوست تاني عشان كده كفاية عليكم

تيم الحسن

أيوة حد يبلغ أميرة البلطجية ربنا يرجعها للتدوين انه متجوز

كمان الساعة بتاعته كانت بيضاء المينا مش شايفه العقارب حد عارف ليه

هي موضة ساعة من غير عقارب ولا أرقام بيضا مسح كده

أفيدونا أفادكم الله

للمشاركة والأمانة
وجدت تلك الكلمات عندما وضعت كلمة حبشتكة لأعرف من له نفس كلماتي على محرك البحث جوجل
.
حبشتكة يا حبشتكة .. القلب من الحب اشتكى يوم دمع وحزن ويوم فرح و هشتكة
.
و ... سلامات عاش من شافك

9 comments:

appy said...

حبشتكه انا عارفه حبشتكنات ايه هو بقى ساندويتش عند باباى عبارة عن طعميه وفول وبتنجان وسلطه وبيض وحركات غريبه اساسا من شكله متقدريش تكليه ههههههههههه

انما معنى الاغنيه اللهى اعدم كوبرى اكتوبر ما اعرفها هههههههههههههههخخخخخخخخخخخ
الحوارات الفقهيه معلش متزعلش يعنى بيحصل الكتير وده اختلاف
وبعدين ايه كلمه مزة دى مش بحبها خال عييييييييييب

Salwa said...

هههههههههههههه
الله يحظك بحبشتكاناتك دي

إيه ده يا بنتي

مزة دي على فكرة مش بحبها خالص

أما الأغنيه العظيمه اللي حبشتكيها في البوست بتاعك
هي لوحدها محتاجه بوست

دمتى في التهييس عزيزتي
قصدي
دمتى بكل خير وسعاده

Ahmed Mubarak said...

يا نهار مش فايت على الحبشتكه الي بتعمل كده في العيال الصغيره..

:)

كنتي تقولي لأمه بطلي تفرجيه على ميلودي شويه خليك في سباس توون

تحياتي

الباحث عن الحقيقة said...

جميلة فكره الحبشتكنات دى
انما حبشكة يعنى ايه اصلا

TheRiddle said...

هههههههههههه
ماشاء الله عليكي
اسلوب هايل بجد
تسلم ايدك
المدونة اكتر من رائعة
والتوبيك ده ههههههههه
لذيذ قوي
الى الامام دائما وربنا يوفقك

Jana said...

لأ فعلا حبشتكانات محبشة

الولد ده 3 سنين ؟؟ انتى متأكدة؟؟

ساعة تيم الحسن ..دى سينيه يا بنتى ....هو برده لما اشتراها خاف يسأل عن العقارب ..ليطلع مبيفهمش فى السينيه وقال لنفسه ..يالا اهى تنفع فى الضلمة

بحبك وانتى محبشتكة...
بصى ...هو ده المفروض يكون اسم الفاعل من فعل حبشتك ..وده كان اقرب توصيف صراحة

الربان said...

تحياتي

تعرفي.... انا رأسي لفت ودارت من الموضوع....فركت عيناي و قرأت مرة ثانية...و بعدين قلت اقرأ التعليقات
الاخري علي الموضوع يمكن المحكمة تتنور...

خلاص وصل بنا الحال الي درجة طفل صغير يتلفظ بألفاظ سوقية امام امه...موزه؟

اما موضوع الساعة و الولاعة فمازال عصي الفهم علي عقلي المحدود...يمكن اغني له اراك عصي الفهم ...مع الاعتذار
لكوكب الشرق... ساعة بدون ساعة بلا عقارب ...يا تري فهمي انا اللي غايب؟

لكن بجد الموضوع خفيف...


تحياتي و تقديري و كل الشكر لحضرتك.

L.G. said...

أبي
شندويتش باباكي كل واحد عنده زيه حاجة غريبة بيحبها والأغنية لقيتها على النت ظريفة قلت أكتبهالكم والاختلاف مش المشكلة أنها فقهية لكن لغة الحوار بين الناس والأسلوب هو اللي زعلني
ومزة مزة وحشة ؟؟ دي معناها بنت حلوة بس من شخص قليل الأدب شوية
============================
سلوى
بصراحة نختلف أنا بشوف ان كلمة مزة معبرة جدا يعني واحدة أمورة قوي بس الراجل لما يقولها يبقى قليل الأدب ميصحش بس على فكرة أنا دايما بسمعها من عمر أديب
===============================
أحمد مبارك
والله يا أحمد مرة سمعت فيلم ذا ليون كينج بس مدبلج بالعربي كان فيه كلام لا يعقل وأسلوب متدني للغاية بس في ميلودي مبيقولوش مزة ؟؟ عمرو أديب بيقولها تحياتي وزيارة عزيزة
==========================
الباحث
ابحث وقلي
هي الكلمة جت على دماغي وكنت أقصد بيها كلام هزار أو خفيف يعني
=============================
جنى
أيوة الولد صغير خالص وبينطق بالعافية أصلي نادر لما بتعاكس فرحت بيه الصراحة مكدبش عليكي
الساعة سينيه يمكن بس برضه ليه مسح كده أصلي بعيدة عن الموضة ؟
================
سيدي الربان
حبشتكة يعني حبة خروج عن المألوف بحب أكتب عن حاجة غريبة نطت في دماغي
الولد وأمه مش الغلط الاعلام هو اللي غلط هي الكلمة سوقية بس أسعدتني لأنها من طفل يمكن لو كان حد كبير كنت حزنت بشدة وقلت شكلي فيه حاجة عيب
الساعة بجد والله طول الحلقة ببص عشان أفهم مقدرتش

تحياتي

L.G. said...

ذا ريدل
معلش سامحني العتب على النظر لو سألت سلوى حتقولك على الزهايمر عندي
نورت المدونة وأشكرك على مدحك ودعوتك وربنا يوفقك انت كمان يارب
سامحني تاني وكل تعليق عندي مهم والله أعلى وأعلم