Wednesday, February 6, 2008

61) عايز مين ؟

تنويــــــــه هـــــــــــام
يا أصحابي وصحباتي
يا جماعة رجاء بجد مش هزار اكتبوا أسماء ناس تنفع تمسك البلد
بنقول الحكومة وحشة وماله تتشال سهلة بس ما هي بتتشال وبيجي أزفت منها
نعد كوادر خير الأول وبعدين نقول نغير
يعني مين يعني بدل حسني مين بجد ؟؟
عايز مين وزير ؟
للعلم لا أعرف على وجه الدقة عدد وزارات مصر وطبعا لا أعرف وزرائها ولا اماكنها ولكني ألمس مدى فشلها وتدني كفاءتها جميعا في خدمة المواطن والوطن
لذا وتضامناً مع أفكار مدونة ملك الكبدة الذي بدأ بالفعل وضع خطة التطوير والتفعيل لنقيل مصر الحبيبة من عثرتها
أحببت أن أضع الأشخاص الموثوق فيهم والذين هم فوق مستوى الشبهات
في مواضع الوزراء وطبعا مرحب بالمشاركة في برنامج
عايز مين ؟ وزير رئيس وزراء أو حتى رئيس الدولة
مبدئياً
لوزارة الصحة قررنا نحن إل جي تعيين السيد الدكتور محمد غنيم وزيراً للصحة
لوزارة البحث العلمي قررنا تعيين السيد الدكتور أحمد زويل
لوزارة الأوقاف وتبعاً لها الأزهر الشريف السيد الدكتور محمد سليم العوا
لوزارة الشباب والرياضة تعيين الأستاذ جلال علام لإنجازاته المشرفة مع فريق الاسكواش وان اعتذر عن تسلم مهامه يكون الاختيار بينه وبين السيد محمود الخطيب لإلتزامه بحسن الخلق وتربيته في الحقل الرياضي ومعرفته به
لوزارة ...حفكر وأكمل ومن له آراء أخري عليه بكتابتها
السيد اللواء عبد السلام المحجوب له حرية الاختيار بين رئاسة الدولة أو الرجوع لمنصبه كمحافظ لمدينة الاسكندرية
معلومة السيد اللواء المحجوب كان رجل المخابرات المكلف بالعميل جمعة الشوان في مسلسل دموع في عيون وقحة ولكن على أرض الواقع

4 comments:

ملك الكبدة said...

طبعا انا عايز ابقى وزير تساليني وزير ايه اقوللك وزير و خلاص
ههههههههههههه

طبعا شكر عميق ليكي على اهتمامك بتدويناتي

و يا ريت تشاركيني الافكار

و تمنياتي بالتوفيق

appy said...

وانا انا بجد مش هزار انا نفسى امسك حاجه فى الوزارة بس المواصلات بجد لانى اكتر حد بيعانى منها ولغايه النهارده مجاش وزير كويس خالص للنقل والمواصلات

ابن حـجـر الـعـسـقـلانـى said...

لو بإيدى .. أنا كنت عينت أبويا رئيس وزرا .. عشان لما حد يسألنى: انت بن مين فى مصر .. أقول له: أنا بن رئيس الوزرا

و الله أيام الكلية كان عندنا دكاترة كتير ممكن يبقوا أحسن وزرا فيكى يا مصر

L.G. said...

ملك الكبدة
بعد ما تكون ملك تبقى وزير ايه التواضع ده
===========================
أبي
وبعدين بجد اديني أسامي ترشحيها ولما تيجي اسكندرية ياريت نتقابل فكري مين للمواصلات مستنية
=============================
ابن حجر
حللت أهلا ونزلت سهلا برضه زيهم سيبك مننا بجد قولوا أسامي مين عندك اسم دكتور واحد يتولى منصب واحد بجد يا جماعة