Saturday, February 9, 2008

فكرة جميلة

آخر حاجة خلاص مش حكتب تاني دلوقتي
بس حاجة جميلة عند عصفور المدينة
على يمينك في المدونة كاتب آخر ما تابعت
في موضوعين بجد لفتوا نظري
موضوع الكابلات ومشروح بالصور مفيد جدا وجميل صراحة
من مدونة الصارم الحاسم
وموضوع الكابتشينو من مدونة لماضة
معلش مبعرفش أخلي اللينك اسم
مسيري أتعلم

4 comments:

ابن حـجـر الـعـسـقـلانـى said...

بالفعل الموضوعات جميلة .. أنا قرأتهم و عجبونى جدا

و بمناسبة تعليقك فى موضوعك اللى فات

أنا اسمى محمد .. و الاسم المستعار هو بن حجر العسقلانى

أما زميلى فى الكفاح هو أحمد .. و اسمه المستعار الباحث عن الحقيقة

و فى الأصل المدونتين اللى بنكتب فيهم دول بتوعه .. هو اللى عاملهم .. لكن هو دعانى إنى أكتب فيهم معاه ..لكن بالفعل هو شخص غاية فى الاحترام

و بخصوص إنك ازاى تعملى للاسم لينك اتبعى الخطوات التالية

ا- اعملى "كوبى" للعنوان بتاع الصفحة اللى انت عايزاها

ب- و انت بتكتبى موضوعك فى المدونة ظللى بالماوس (يعنى كليك شمال مع تحريك الماوس) الاسم اللى انت عاوزة تعملى له لينك

ج- شايفة الزرار اللى بتغيرى منه لون الكلام ؟؟ هاتلاقى على يمينه زرار تانى عليه كرة أرضيه عليها حلقتين سلسلة .. دوسى عليه هاتلاقى مربع اتفتح

د- اعملى "بيست" داخل المربع دة للعنوان اللى انت عملتى ليه كوبى من شوية

و أى خدمة

بس انت ليه بتقولى إنك هاتنقطعى عن التدوين ؟؟ أنا فهمت كدة من كلامك .. و انا فاهم غلط ؟؟

L.G. said...

ابن حجر ربنا ينور بصيرتك يارب زي ما نورتني معلش فهمي بقى تقيل حكم السن بأه كده فهمت انتو مين والحكاية ايه وطبعا شكرا ربنا يزيدك علم كلما علمت أحد كان نفسي أعرف الحكاية دي بتعملوها ازاي حجرب وأقولك النتيجة
لا أنا قلت نزلت كذا تدوينة في يوم واحد وقلت كفاية عشان القارئ ميزهش مني لأ حكتب بإذن الله معنديش حاجة تانية أعملها
ربنا يعزك شكرا جزيلا جزيلا على المعلومة المبسطة والمشروحة بعناية

Unknown said...

الله يخليكى يا جميله
والله انا عرفت بالصدفه ان الموضوع عجبك
وليه تبطلى تدوين
خدي اجازة شوية وارجعي
بس المهم متبطليش
وهستنى تعليقاتك دايما
امال هتلامض مع مين

L.G. said...

لماضة
اسم جميل بجد معناه ان عندك حاجة مهمة عايزة تقوليها والناس عشان متغاظة يقولوا لماضة :)
اتلامضي يا ستي زي ما انتي عايزة قدري المدونة دي بتاعتك وشرفتيني بجد بزيارتك
انبسطت من وجودك جداً وموضوع الكابتشينو خطير
مسيرنا نتقابل مدونين اسكندرية ان شاء الله على موعد