Thursday, February 28, 2008

قول رأيك

عايز تقول رأيك
طيب ماشي اتفضل
على كل حال نورتنا
بدل الجمعة عشان حوفر ومش حدخل على النت يومين تلاتة

5 comments:

Soooo said...

بصي بقى يا بنتي
انا عمال ادخل على مدونتك كل شويه كده اشوفك عامله ايه

وبانتهز فرصة انك عملتي موضوع وسبتي التعليق بتاعه مفتوح

شوفي بقى
انتي بنت كويسه قوي
عنيده جدا
مواضيعك لذيذه بس باحس انها ناقصه ححاجه .. وانا مش عارف ايه اللي ناقصها
عندك قدره رهيبه على قلب اي حاله لمعاناة نفسيه اللهم الا في بعض المواضيع

نصيحتي ليكي
بصي للدنيا بنظره ابسط
خلي نفسك دايما عندك ايمان من جواكي ان الخير هايجي عاجلا او آجلا
اضحكي للدنيا .. وقولي يارب


ملحوظه
هو مش اسمك ال جي معناه
Life is Good
يبقى عيشي اسمك
ولا انا فهمت الاسم غلط؟؟؟؟؟



سلامووووووووووز

عصفور المدينة said...

السلام عليكم
فيه لبس عند حضرتك في نقطة قول رأيك دي

وضعك تدوينة للتعبير عن الرأي يوحي بأن الشخص الذي سيقول رأيه عنده مشكلة في التعبير عن رأيه ويأتي لهذه المدونة للتعبير عن الرأي الأمر ليس كذلك التعليقات تكون للتعبير عن الرأي في الموضوع المثار والتفاعل وتبادل وجهة النظر حول موضوع معين وليس -شات- أو إبداء رأي في شخص الكاتب
وليس لمتعة التعبير عن الرأي في حد ذاتها أيضا


أتمنى أن تكون وجهة نظري وصلت وأتمنى أيضا أن يكون أسلوبي مناسب وإلا فسأعتذر لو أحسست أنني أسأت الأسلوب

Jana said...

الجميلة انا مع باشمهندس محمدl.g.
افتحى التعليقات عشان فعلا يكون فيه تفاعل وتبادل اراء
يعنى انا مثلا كنت عايزة اعلق على موضوع المحافظ ..وموضوع هشام سليم وموضوع قنوات التليفزيون والحضرى
ومش فاكرة دلوقتى كنت عايزة اقول ايه

اطلعى بره كده شوية وبصى على كل حاجة من بعيد .حتلاقى الدنيا حلوة ومافيش مشاكل...واحنا عايزين نعلق ..ونعترض ..ونختلف ثم نتفق وهكذا ...زى ما بيحصل فى كل حتة
عادى يعنى

يالا افتحيلنا التعليقات بقا..ولا عايزة مظاهرة زى بتاعة كلية الهندسة امبارح كده..كانت سلمية زيادة عن اللزوم ..مايك مع الاخوان ومايك مع اتحاد الطلبة ..وحد قطع الصوت عن التانى..وكانت مهزلة

يالا
free comments

ملك الكبدة said...

عيب اوي تطلعي بلدياتي و انا ماعرفشي

انتي منين في اليكس يا زميلة

انا من باكوس العاصمة

L.G. said...

حرد بالشقلوب من الأسهل للأصعب ماشي
ملك الكبدة
أنا من معرض الكتاب :))
===========================
عزيزتي جنى
حفتح التعليقات عشان خاطرك بس يعلم الله أما كلامك عن الدنيا حلوة
مش دنيتي أنا
===========================
شيخ المدونين
والله ما عندي لبس
يعلم الله أني أعرف نفسي ولكن الناس لا تعرفني لذا يفهموني خطأ
قول رأيك ليس أني أفتح منبر لمن يعاني عشان يقول رأيه في أي حاجة
لا اذا كنت تابعت سيدي ستجد أني وضحت سابقا قول رأيك فيما كتبت خلال أسبوع أغلب مواضيعي بلا تعليق لذا لا ان كان هناك موضوع لديك رأي فيه سأجمع التعليقات يوم الجمعة
شات - رأي في الكاتب - متعة التعبير ؟؟!!!؟
رأيي إن حضرتك زعلان مني بس مش عايز توضح لعصفور انت زعلان وغضبان من ال جي ليه ؟؟
==========================
سلاموووووز
أولا بص يا ابني
عنيدة لأ ثابتة على رأي في أشياء آه
ناقصة ايه دور معايا ومهم قوي تقولي رأيك
قلب الحياة لمعاناة ياراجل حرام عليك انت مش عايش معانا ولا ايه الكلام ده قوله للريس
فهمت الاسم غلط طبعا أكيد الاسم عكس توقعك تماما