فنجان شاي
أيوة متتضحكوش أهم حاجة عندي فنجان شاي ولما بروح لأختي بقولها تيجي نحط الشاي في البراد الصيني المتحنط تضحك وتقولي أجيبلك فنجان ماشي لكن البراد شغلانة
طب بيجيبوا الصيني ليه ؟ ولا حتى الضيوف بيستعملوه طب لزوم التحنيط يعني . المهم كوباية الشاي وياريت لو مج كبير يكون أحسن أو شاي بلبن أو بالنعناع أو شاي أخضر كله تمام قوي حاجة مزاج عندي وجنبه طبعا سندويتش جبنة أي جبنة مش مهم على فكرة لقيت الفنجان ده في الاستراحة اللي جنبنا أيوة الكاشفة خته ببلاش طبعا
يا ترى الريس بيشرب في الفنجان بتاعه ولا بتاع الدولة ولو كسره يحمل ايه في قيد المصاريف ؟ بجد
حاجة بسيطة قوي بس بجد بتبسطني ايوة ما قلنا الشااااي
ايه كمان
الكريمة أو القشطدة طبعا مش عارفة الفرق مع ان ناس كتير حاولوا يشرحوهولي مع العسل الأبيض ياااه نعمة والله
طبعا مع قلة الشغل والحركة المواضيع دي مش كويسة
بس خلاص تشرب شاي
سكر زيادة من فضلك
أحلى كباية شاي شربتها من ايد غفير معبد الكرنك ومسألش عن السكر وكلنا شربناه
2 comments:
ما أجمل شرب الشاى بالفعل و خاصة بعد العصر فى الشتاء
الشاى مع الأسرة حاجة مختلفة
و الشاى مع الاصحاب ممتع
و الشاى مع البسكويت روعة أكتر من الجبنة
تشرب شاي يا محمود :)
طب بزمتك مش كان احلى شاي بتاع يوم التجمع التدويني براس البر كان شاي ملوكي صح :)
دمت بكل خير
Post a Comment