Saturday, March 29, 2008

119) كلمة حق

لا لمحافظ الاسكندرية
أيوة لأ وألف لأ كمان
من هنا بقولها عالية ومدوية
وياريت كل سكندري مش عاجبه الوضع يتعاضد معي
لازم يكون لينا رأي في الحاكم المحلى
بعد مهزلة نفق الشهيد عبد المنعم رياض واهدار الوقت والجهد والأموال عليه
في جريدة المصري اليوم النهاردة خبر
إن السيد المحافظ
يحفز نجاح نادي الاتحاد في الفوز على بتروجيت
ب 100 ألف جنيه
ليه ان شاء الله ومن جيب مين
من أنهي ميزانية ميزانية المحافظة ؟؟؟؟؟
عن الاتحاد ما لعب ولا كسب
النادي ده حاجة خاصة وله ميزانيته
واللعيبة دي بتاخد مرتبات عشان تكسب ولما يحبوا يكافئوهم من جيب النادي
اذا صح الخبر
كارثة
من أعطاه الحرية للتصرف في أموال الدولة
لا لمحافظ الاسكندرية الحالى
ويجب سؤاله عما يفعل
عيني عليكي يا اسكندرية
علينا كرأي عام الضغط لتغييره
تضامنوا وقولوا كلمة حق

5 comments:

appy said...

ابعتوا للوزارة ضده شكاوى بجد متسكتوش
ما هو ده من ضمن النصب اللى بيتم علىالبلد مش عارف انتم كان عندكم محافظ قبل كده نسيت اسمه هايل بجد وحسيته انه غير اسكندريه جدا

الربان said...

تحياتي

اولا دعم الرياضة مطلوب ...لكن ليس مطلوب ان ادفع ليفوز اللاعبون او يأدوا واجبهم...لانهم متعاقدون مع النادي للعب...

ثانيا اشكرك علي غيرتك و علي شجاعتك تجاه المال العام....ياريت الناس كلها
تعرف ان المال العام انفاقه في غير المجال
المخصص له حرام...و ان التكسب من المال العام حرام....

ثالثا...لابد من حلول عملية اخري لدعم النوادي...غير فلوس المال العام
يعني ممكن يخصصوا قطعة ارض باسم النادي
يمكن للنادي استغلالها كمحلات و بوتيكات
او شيء من هذا القبيل.


تحياتي و تقديري.

L.G. said...

أبي
أيوة عبد السلام المحجوب أو الريس زكريا في جمعة الشوان
أنهي وزارة ؟؟
======================
الربان
سيدي كلامك حكم .. أيوة حرام ناس مش لاقية تتعالج ولا تشتغل وده عمال يكسر ويبلط وبس
ولا حتى يا سيدي قطعة أرض لأنها ستخدم أعضاء النادي بس لكن لو أرض لمستشفى لمصنع مدرسة يبقى بيخدم السكندريين كلهم
هو ماله ومال النادي أصلا
حسبنا الله ونعم الوكيل

Jana said...

ال جى

انا متضامنة ..لكن غير فعالة
يا فرحتى

فاكرة زمان لما كانوا القاهريين بيحسدونا على اسكندرية فى الشتا
دلوقتى لا صيف ولا شتا ولااسكندرية

L.G. said...

جنى
نتضامن على الأقل لما نلاقي فرصة نفعل هذا الشعور ولا نستغرق وقت في التفكير أين نحن
تابعتم القاهرة اليوم وطريقة كلام المحافظ هو ماشي ماشي