Wednesday, March 26, 2008

110)خدلك زيرو


لفة على السريع فين .. حخادكم زيرو بالعجلة السريعة جوه دماغي وشوفوا ازاي الدنيا ماشية جواها بسرعة رهيبة لدرجة إني احيانا مبلحقش أشوف أسمع أدرك ما حولي وطبعا مبلحقش أسجل الأفكار
يالا بينا كله يربط أحزمة القيادة أيوة دي موضة جديدة في العجل .. حنمشي على البحر وهب وصلنا المعمورة ياه دنا قصيرة قوي أيوة أصلي لسه صغيرة ايد ده ماما حفرت حفرة في الرملة وحبستني فيها وثبتتني في الأرض .. ليه كده يا ماما .. معلش كان نفسها تلقطلي صورة فوتغرافية ومعرفش ايه السر كنت بتسرع من التصوير . وبسرعة على البيت في ايه في التليفزيون أيوة الله النحلة زينة وصديقها نحول .. يا سلام زينة دي مؤدبة قوي معلش ملف خدوااا بالكم . ياه أول قصة حب تالتة ابتدائي الولد عينيه خضراء وشعره أصفر بس لساني مش راضي ينطق بكلمة ولفة ورجعنا المعمورة بس بعد سنين قابلته تاني هو في ثانوي وأنا في اعدادي .. لا نقف ونشوف الحكاية مينفعش يا جماعة حبقى أحكيها في مذكرات حب وحياة // عاجبكم كده آدي فكرة جديدة للكتابة
تعبتوا نشرب حاجة طيب بيبس كولا الراجل معدي يخبط في قطر الرحلة لأسوان الساعة خمسة الصبح وفي عربية البنات والله ما عنده دم .. تاني ياراجل يا قليل الذوق حرام عليك عايزة أناااام .نمتوا يالا بينا نقوم تمارين الصباح فين ؟؟ أاقولكم في باجوش لأ مش عايزة تمارين ايه مش كفاية المشي في الرملة كل شوية .. حتدفعي جنيه عن كل يوم لأ مش دافعة طيب حتكونوا أكتر خيمة وحشة ومش مرتبة يا ستي يعني شباب باجوش مش مهتم قوي ومش القضية في ترتيب الخيم .. باجوش شفت العفاريت آه في خيم الولاد أحمدك يارب .. يالا راجعين الشنط كلها عند المحطة محطة القطر صحابي سايبيني مع 100 شنطة على الأقل طب بالذمة أعمل ايه أنا سبت الدنيا ورحت ركبت حنطور
يالا جبرنا النهاردة حلوة اللفة دي ايه رأيكم .. حريفة عجل ول لا

2 comments:

Jana said...

ههههههههههههه
عايزين شجرة بقا تفرملى فيها
انا دخت

زينة ونحول!!؟؟
ليت الطفولة تعود يوما

L.G. said...

يا ليت يا ليت
بس عايزاني أفرمل في شجرة خفت منك يا بدران